Lojtari i kombëtares helvete po kalon momentet më të mira të karrierës së tij, duke shënuar dy gola për 20 minuta loja kundër Manchester United. Në faqen e Liverpulit, ai ka treguar jetën e tij nga mosha rinore kur ishte fans i Brazilit, deri në ditët tona.
Foto me fanellën e Brazilit?
Është pozë e mirë. Rrija me fanellë të Brazilit, por mendoj se nuk ishte origjinale. Ishte dhuratë për ditëlindje, pasi ishte Botërori i viti 1998. Kisha kërkuar një fanellë të Ronaldos dhe e vishja gjatë gjithë kohës.
Krahasimi mes periudhës së fëmijërisë dhe të tashmes…?
Kur sheh fotot është diçka e këndshme pasi shikon se është arritur diçka, me punë dhe talent. Puna e madhe është ajo që më bën krenar. Nga një fëmijë i vogël, në një idhull, e mrekullueshme.
Familja…
Është gjëja më e rëndësishme për mua. Nuk kam ardhur nga një familje e pasur, prandaj është mirë të shoh njerëzit e mi që janë pas meje. Prindërit e mi ishin punëtor. Babai im punëtor rruge dhe punonte fort për familjen, shikonte edhe për familjen në Kosovë. Jam krenar për ta.
Si ju duket futbolli në Angli?
Është e vështirë të luash në Premier Ligë, pasi bëhesh shumë i fort. Dua të falenderoj Zotin që më dha këto cilësi dhe këto aftësi në këmbë. Shumë njerëz mendojnë se rri shumë në palestër, por nuk është ashtu. Unë nuk i kaloj ditët e trajnimit për këmbët.
Cili është hobi që keni?
Më pëlqen muzika dhe kitara. Megjithatë, nuk jam si Alison. Ai është i mirë dhe mund të më mësojë. Ndoshta në hotel, kur kemi më shumë kohë të lirë
Si firmosët për Liverpoolin?
Në një moment ishim duke qeshur me Kloppin, ishim të lumtur që u arrit marrëveshja. Do të niste një kapitull i ri. Shpresoj të kemi sa më shumë suksese. Gjëja më e rëndësishme është të fitojmë dhe ëndrra ime është të fitoj disa trofe këtu.
