Fitim Dika
Edhe pak orë na ndajnë nga debati i vitit mes dy kandidatëve për presidentë të SHBA, Donald Trump dhe Hillary Clinton. Prestigjiozja amerikane New York Times e ka krahasuar interesin mbi spektaklin e duelit me atë të zbritjes në Hënë. Amerikanët do votojnë në 8 nëntor për pasardhësin e presidentit Barack Obama, që do lë Shtëpinë e Bardhë në 20 janar 2017. Deri atëherë do ketë edhe dy debate tjera mes dy kandidatëve Trump e Hillary, që do jenë determinues për fituesin.
Debatat televizive kanë startuar prej 1960! Cilat momente ndryshuan kahjen dhe caktuan përfundimisht presidentin e ardhshëm të SHBA-së dhe pse këto debate kanë rëndësi të veçantë? Në vijim “Foldrejt.com” ju sjell momentet më interesante të debateve mes kandidatëve për president të SHBA.
Kennedy vs. Nixon (1960, 66 Mio. teleshikues)
Është dueli i parë televiziv mes dy kandidatëve amerikanë: Senatori John F. Kennedy (Demokrat) dhe zv.presidenti Richard Nixon (Republikan) qëndrojnë përpara popullit amerikan në 26 shtator 1960. Drejtpërsëdrejti. 66 milion teleshikues, që don të thotë se çdo i treti amerikan e ka parë debatin.
Menjëherë mund ta dalloni edhe juve. Kenedy është i qartë, i qetë, me qëndrim të fuqishëm dhe kompetent. Nixon në anën tjetër duket nervoz dhe nuk ka qëndrim e potencë si kundërshtari. Të gjithë janë dakord: Kennedy fitoi duelin, përkundër eksperiencës së Nixon.
Carter vs. Ford (1976, 64 Mio. teleshikues)
16 vjet nuk ka pasur debate televizive, për t’u rikthyer mes guvernatorit Jimmy Carter (Demokrat) dhe presidentit Gerald Ford (Republikan), informon foldrejt.com. Në debatin e parë rreth politikës së brendshme fitoi republikani, megjithatë në debatin e dytë rreth politikës së jashtme u bë një lapsus dhe gafë e rëndë nga presidenti Ford.
“Nuk ka sundim sovjetik në Evropën lindore dhe nuk do ketë as edhe nën qeverinë e ardhshme Ford,” tha republikani në mesin e Luftës së Ftohtë, kur shumica e Evropës lindore ishte pjesë e BS. Zgjedhjet i fiton Jimmy Carter, që e shfrytëzoi gafën e kundër kandidatit me pyetje retorike.
Reagan vs. Mondale (1984, 67,3 Mio. teleshikues)
Në fushatën 1984 shumica e mediave tematizuan çështjen e viteve të presidentit dhe artistit Reagan. Me 73 vjet përsipër ai ishte presidenti më i vjetër në historinë e SHBA, në mandat të dytë shumë vetë ishin skeptikë për të. Kundërkandidati demokrat Mondale është vetëm 56 vjeç dhe megjithatë një eksperiencë politikë.
Reagon me një shaka ktheu shumicën e skeptikëve kah vetja: „Nuk do tematizoj çështjen e viteve të mia në fushatë. Unë nuk do keqpërdor për interesa politike as moshën e re dhe pa eksperincë të kundërkandidatit tim,” tha ai. Më vonë vetë Mondale do sqaronte në një intervistë se pikërisht në “ato momente mendova se fushata ime për president mbaroi.”
Reagon fitoi me gati 60 përqind të votave.
Obama vs. Romney (2012, 67,2 Mio. teleshikues)
Demokrati Barack Obama shquhet për oratorinë dhe pushtetin e fjalës. Megjithatë në debatin e parë në kandidimin e dytë për president kundër republikanit Mitt Romney, ai u shfaq i lodhur dhe jo shumë bindës. Kjo përforcoi pikët e kundërshtarit dhe e tejkaloi në anketa. Debati i dytë i solli “fat” Obamës nga gafa e Romney që interpretoi dyherë gabimisht. Ju desh edhe ndërhyrja e moderatores për të përmirësuar Romney, ndërsa Obama tha triumfalisht: “Mund ta thoni edhe njëherë me zë më të lartë?”
Atëherë presidenti riktheu edhe njëherë simpatinë mbi veten.
