Atë që pak kush mund ta bënte dhe vetëm për ndonjë mik të ngushtë e ka kryer presidenti turk Rexhep Taip Erdogan për presidentin e Kosovës, Hashim Thaçi. Në 100 vjetorin e përfundimit të Luftës së Parë Botërore ku presidenti francez Emanuel Macron ftoi rreth 70 liderë shtetesh në Paris, protagonist i rajonit është bërë Hashim Thaçi – i cili njëherësh ka biseduar me Vladimir Putin, Angela Merkel, Donald Trump dhe shumë të tjerë.
Në një fotografi duket sesi Thaçi qëndron në rreshtin e dytë të burrave më të pushtetshëm të globit, kurse karshi tij si “mysafirë” qëndrojnë liderët tjerë mes tjerash edhe presidenti serb Aleksandër Vucic.
“Francezët ia shitën Thaçit vendin afër Putinit”, shkruan me zemërim gazeta serbe “Alo”.
Por e gjithë kjo ka ardhur pasi Erdogani e ka lëshuar vendin për “vëllain e tij” Thaçi, thonë burime të “Kosova Post”.
“Jemi gjithmonë mirënjohjes ndaj tij dhe Turqisë për mbështetjen në rrugën tonë të lirisë, pajtimi dhe integrimit Euro-Atlantik”, ka shkruar ndër të tjerash Thaçi për Erdoganin gjatë takimit në Paris.
Tubimi i Parisit vërtetë ishte i një rëndësie të veçantë. Promovimi i paqes dhe dënimi i luftës qe kryefjala e organizimit të Parisit.
Kjo nuk është hera e vetme që Turqia ndihmon Kosovën. Një ndihmë e ngjashme ka ardhur kur treni provokativ serb me mbishkrimin “Kosova është Serbi” u lëshua nga Beogradi drejt Mitrovicës. Ishte ndërhyrja e Erdoganit që ndaloi atë në kufi të Kosovës. Kjo e fundit është konfirmuar edhe nga mediat turke dhe intervista e kryeministrit Sali Berisha dhënë për “syri.net”./Foldrejt.com
