Organizata e eksportuesve të naftës OPEC do humb një anëtar. Ministri i energjitiës në Katar Sherida al-Kaabi bëri të ditur largimin e vendit të tij në janar 2019, shkruan media shtetërore katariane QNA.
Për këtë vendim është lajmëruar qendra e OPEC-ut në Vjenë dhe arsyetimi i vendit të vogël të Gjirit ka qenë “përqendrimi i prodhimit të gazit”. Më së voni deri 2024, prodhimi i gazit do rritet nga 77 milionë tonë, deri në 110 milionë tonë në vit.
Edhe me statistikat e prodhimeve të sotshme, 30 përqind të eksporteve të gazit në botë kryhen nga Katari.
Sipas disa analizave, Katari mundohet të shfrytëzojë edhe kohën kur nafta po shënon ulje të çmimeve dhe është një treg thuajse i kontrolluar nga Rusia dhe Arabia Saudite.
Pas lajmeve të largimit të Katarit nga OPEC, është mundësuar rritja çmimeve të naftës në tregjet botërore në 62 dollarë për barrelë, që ishte ndër 60 dollarë vetëm pak ditë më parë.
Katari është anëtar i OPEC prej 57 vitesh./Foldrejt.com
