PËRVOJA
Poezi origjinale nga Burhan Fili
Duket se përvoja në mendime më pa,
me tingujt e saj prerë më tha:
“Dëgjo, kur natyrshëm filizi rritet,
frut të menjihershëm prej tij s’pritet.
Koha dhe durimi, atij i rrinë pranë,
dora e bahçevanit shërbim i banë…
Çdo gja në jetë në këtë natyrë zhvillohet,
përndryshe mirësia nuk do të prodhohet..
Njeriun që mëshira e Allahut e udhëzon,
në nji mjedis të tillë imanin zhvillon…
Ai kurrë nuk duhet që të nxitohet,
pa u hedh hapi i parë te i dyti s’shkohet.
‘Libri’ shkel e shko s’duhet t’lexohet…!
Secili prej jush të qartë duhet ta ketë,
me hapa të nxituar s’udhëtohet në jetë.
Po i them këto që të qartë ta keni,
se ma t’mirë se ata para jush s’jeni.”
Kështu tha përvoja,e në heshtje ra…
me syrin dashamirës iku duke
më pa…
që ti ndaj me ju më duket se i la..
Burhan Fili
