Gjashtë persona janë ndaluar e më pas janë arrestuar nga policia pas konfiskimit të substancave narkotike dhe disa gjësendeve tjera.
Rasti ka ndodhur në Klinë, me datën 13 dhjetor, rreth orës 22:10, transmeton Fol Drejt.
Siç njofton policia, fillimisht kanë marrë një informatë për dy vetura të dyshuara, njësiti policor më pas ka zbarkuar në vendin e ngjarjes dhe ka ndaluar dy veturat dhe gjashtë të dyshuarit në to.
Në afërsi të veturave janë gjetur dy qese të vogla me narkotik rreth 1 apo dy gram, katër cigare gjysmë të mbushura me substancë narkotike, një paqetë me letra- rizle, dy brisqe të vegjël dhe në veturën e njërit nga të dyshuarit është gjetur një gëzhojë e revoles. Narkotikët dhe gjësendet janë konfiskuar.
Në konsultim me prokurorin është bastisur shtëpia e njërit nga të dyshuarit, por nuk është gjetur asgjë e dyshuar. Gjashtë të dyshuarit janë arrestuar dhe pas intervistimit me urdhër të prokurorit janë liruar ne procedurë të rregullt./FolDrejt/
