Presidenti i Kolumbisë, Gustavo Petro tha se ata nuk e pranuan propozimin e SHBA-së për dërgimin e armëve të Rusisë në Ukrainë.
Në Samitin e 7-të të Krerëve të Shteteve dhe Qeverive të Komonuelthit të Shteteve të Amerikës Latine dhe Karaibeve (CELAC), Petro deklaroi se SHBA-ja e këshilloi atë që t’i dhuronte Ukrainës armë të prodhimit rus që Kolumbia i ka dhe nuk i përdor, shkruan AA, përcjell Fol Drejt.
“Në vitet e kaluara, Kolumbia ka blerë materiale luftarake dhe helikopterë rusë për nevojat e saj të brendshme. Ato materiale janë aty, ka probleme me mirëmbajtjen dhe është e pamundur të ndërrohen më pjesët e tyre. Në bisedën time me disa njerëz nga SHBA-ja, më thanë se këto materiale mund t’i zgjidhin problemet e mirëmbajtjes dhe më pas do t’i dërgonin në Ukrainë”, tha Petro.
Ai theksoi se e hodhi poshtë propozimin e SHBA-së. “Në arenën ndërkombëtare, Kushtetuta jonë thotë se ne duhet të mbrojmë paqen. Ne nuk do të dorëzojmë armët ruse për të vazhduar luftën në Ukrainë. Këto materiale le të qëndrojnë si skrap”, tha presidenti kolumbian.
Duke thënë se janë pro dialogut për përfundimin e luftës, Petro tha se nuk janë në anën e askujt, janë vetëm në anën e paqes./FolDrejt/
