Presidentja e Republikës së Kosovës, Vjosa Osmani Sadriu, ka përkujtuar masakrën e Lybeniqit me rastin e 25-vjetorit.
Kjo është deklarata e plotë e presidentes Osmani:
25- vjet më parë, regjimi gjenocidal i Serbisë, sikurse në shumë anë të Kosovës, dëshmoi barbarinë e tij, duke vrarë 79 civilë të fshatit Lybeniq.
Tendenca për shfarosje të popullit shqiptar nuk kurseu as Muhametin 18 muajsh dhe Leonardin, 7 vjeçar.
Është obligim i yni institucional që asnjëherë të mos i ndalim përpjekjet tona për vendosjen e drejtësisë për viktimat, duke i dhënë kuptim lirisë sonë dhe duke e mbrojtur të vërtetën.
Qoftë i perhershëm kujtimi për të gjithë të rënët për liri!
