Besnik Bislimi, Zëvendësministër në Qeverinë e Kosovës, ka sqaruar për opinionin qëndrimin e Prishtinës zyrtare për sa u përket zgjedhjeve në Kosovë.
Ai këto komente i ka dhenë pak pasi nga Bashkimi Evropian u shprehën se Kosova ka refuzuar propozimin e shteteve të QUINT-it.
Vendim të Kosovës për të refuzuar propozimin e QUINT-it, për votimin e serbëve në territorin e Kosovës për zgjedhjet në Serbi, është komentuar edhe nga Zëdhënësi i BE-së, Peter Stano, duke shprehur keqardhje për këtë vendim, transmeton Fol Drejt.
Nga ana tjetër mediat në Beograd kanë raportuar se mbledhja e Këshillit të Serbisë për Siguri Kombëtare po vazhdon që tashmë disa orë dhe se janë duke vazhduar edhe bisedat mjaft të vështira dhe komplekse të krerëve serbë me përfaqësuesit e serbëve të Kosovës.
Siç është raportuar, në takim po marrin pjesë edhe gjykatësit e Gjykatës Themelore të Mitrovicës, përfaqësuesit e Listës Serbe, kryetarët e të gjitha “organeve të përkohshme” në Kosovë, drejtorët e institucioneve shëndetësore, shefi i njësisë për intervenime dhe përfaqësues të Institucioneve tjera, kanë raportuar mediat serbe.
Një nga temat kryesore të takimit është vendimi i autoriteteve të Kosovës për të ndaluar serbët në Kosovë që të votojnë në zgjedhjet serbe, që zhvillohen më 3 prill.
Bëhet e ditur se Vuçiq u largua shkurtimisht nga takimi, për tu takuar me përfaqësuesit e shteteve të Quintit, nga të cilët kërkoi konsultime urgjente.
Spekulohet se serbët dëshirojnë të largohen nga të gjitha institucionet e Kosovës, përfshirë këtu edhe nga policia, që të dorëzojnë armët dhe që në mënyrë paqësore dhe demokratike ti kundërvihen autoriteteve në Kosovë. Sipas këtyre burimeve, Vuçiq nuk ishte aspak i lumtur me këtë propozim dhe pyeti serbët nga Kosova “se çfarë do të bëjmë një ditë më vonë”./FolDrejt/
View this post on Instagram
