Krenare Lika, studente e shkencave politike në UBT – Prishtinë
Në vendin tonë është bërë një dukuri e pazakontë dhe fare jo e mirë që elita e njejtë politike të vazhdojë udhëheqjen për disa mandate rradhazi. Në shikim të parë nuk duket si diçka e keqe pasiqë një elitë politike e cila ka pushtetin, duket si e sukseshme dhe zgjidhja më e mira për vendin. Por tek ne në Kosovë, nuk qëndron kështu, e kjo si shkak i jo vetëm një gabimi, por plot gabimeve që do mundohem ti elaboroj në vazhdim.
Populli kosovar ka një të metë që beson verbërisht tek elita politike e cila udhëheq që një kohë të gjatë. Besimi i tepërt dhe i pabazuar ka bërë që ne të jemi në këtë gjendje jo të favorshme sot. Qysh nga përfundimi i luftës së fundit në Kosovë shohim se ne në udhëheqje të vendit plot 20 vite kemi partitë e njejta të cilat ndërrohen me rotacion në mandate. Kanë kaluar kaq shumë vite dhe prapë ato nuk kanë arritur ta dëshmojnë një sukses të plotë dhe nuk kanë arritur as të dalin faqebardhë në aspektin moral, për të kryer detyrat. Por, këtu fajtor nuk është elita politike por është votuesi, pra vet populli. Ne presim dhe mendojnë që me mandatin e ri partia që zgjedhim do vazhdojë punën e lërë në gjysëm kinse vetëm e vetëm ajo parti di ta bëjë atë punë. Ne frikesohemi tej mase nga ndryshimet edhe pse e dimë që një ndyshim jo çdo herë është i mirë apo i keq. Preferenca jonë është pikërisht ‘’komfort zona’’ në të cilën gjendemi sepse i frikësohemi ndryshimeve dhe të rejave të mundshme.
Besimi tek politkanët e rinjë është në një nivel shumë të ulët e degradues. Gjatë kohës së fushatave as nuk lexohet agjendat dhe planprogrami i partive që konkurrojnë dhe kjo është një paaftësi e jona për ta ndarë të mirin nga të keqin. Një fushat e shkurtër nga kjo elitë arrin të verbërojë një pjesë të popullit duke bërë të harrohen 4 vitet e mëparshme e mos të mendohet për 4 vitet e ardhshme. Por jo vetem kaq, një dukuri tjetër negative e cila haset këtu është edhe ryshfeti. Nuk është për tu çuditur sepse kushtet e dobëta ekonomike në Kosovë kanë bërë që një dukuri e tillë të jetë e mundur.
Si konkludim, zgjedhja e elitave politike që janë një kohë të gjatë në pushtet nuk është ide e mirë nese ata nuk kanë arritur të dëshmojnë që kanë aftësi ta udhëheqin shtetin dhe të vendosin interesat e qytetarëve para interesave përsonale. Populli jonë si duket beson verbërisht tek këto autoritet të cilat kanë sjell vendin në këtë gjendje. Ky besim vjën nga frika për diçka të re, e cila mund të mos jetë edhe e mirë, por me rëndësi është diçka ndryshe.
Nëntor, 2020.
