Faqja e internetit Indiewire publikoi së fundmi një listë të 70 serialeve më të mira të animuara të të gjitha kohërave, përcjell Fol Drejt.
Kjo listë përfshin seritë e animuara të zhanreve të ndryshme, dhe kjo vlen edhe për grupmosha të ndryshme të synuara. Vendin e parë e zuri seriali i animuar “BoJack Horseman” i prodhuar nga Netflix.
“BoJack Horseman” është një serial satirik që tregon jetën e yjeve në Hollywood. Është transmetuar nga viti 2014 deri në vitin 2020 dhe ka pasur pesë sezone. Personazhi kryesor është BoJack Horseman, i cili prezantohet si një aktor i serialeve të viteve nëntëdhjetë dhe jeton nga lavdia e tij e vjetër.
Vendin e dytë e zuri seriali kult i animuar “The Simpsons”, popullariteti i të cilit vazhdon edhe pas 34 vitesh nga episodi i parë. Në vend të tretë ishte seriali satirik për spiunët “Archer”.
Ata pasohen nga “Daria”, “Batman: The Animated Series”, “Steven Universe”, “Space Ghost Coast to Coast”, “Bob’s Burgers”, “Big Mouth” dhe “Animaniacs”. Ju mund ta shikoni të gjithë listën këtu. /FolDrejt/
