Boris Johnson po fliste në Forumin Ekonomik Botëror në Davos, ku u prezantua si një “figurë legjendare” në Ukrainë, shkruan Sky News, përcjell Fol Drejt.
Linjat më interesante nga komentet e tij erdhën mbi Vladimir Putin dhe nëse presidenti rus mund të përdorte apo jo armë bërthamore në konflikt.
Johnson tha se një veprim i tillë do të shkaktonte “një paralizë të plotë ekonomike kriogjenike” dhe “të tmerronte rusët”. Për më tepër, ai vuri në dukje se India dhe Kina do të kthehen kundër Putinit.
“Ai nuk do ta bëjë këtë. Mos shkoni në atë vrimën e lepurit, ndaloni atë,” u tha ai të pranishmëve.
Johnson u bëri thirrje njerëzve që “të mos shqetësohen më për Kremlinologjinë”, duke bërë shaka se “është e vështirë të zbulohet se çfarë do të ndodhë në politikën e Mbretërisë së Bashkuar, e lëre më në Kremlin”.
Kryeministri i rrëzuar nga detyra gjithashtu e krahasoi Putinin me “djalin e shëndoshë në “Dickens” që dëshiron të bëjë që mishi ynë të zvarritet”. /FolDrejt/
