Europa po karantinohet si asnjëherë më parë, por ky hap nuk ka sjell suksesin e dëshiruar në luftën kundër Covid19. Andaj shtetet kërkojnë që sa më shpejt të fillojë vakcinimi i popullatës, që do sjellte edhe imunizimin e përgjithshëm.
Në Gjermani, nga 15 dhjetori, qendrat e vakcinimeve duhet të jetë të gatshme për të pranuar klientë. Kjo pasi pritet që vakcinimet e para të fillojnë në mes të dhjetorit, kurse me “shumë gjasë” në kuartalin e parë të 2021 do ketë vakcina të shumta.
Qytetet gjermane dhe landet duhet të njoftojnë deri në fund të nëntorit, sesa persona në ditë mund të vakcinojnë, përcjell foldrejt.com.
Në një deklaratë mes dyerve të mbyllura në CDU, kancelarja Angela Merkel, citohet nga media gjermane FAZ, se ka kërkuar kufizime edhe më të shumta kontakti mes gjermanëve. Në Gjermani ndalohet çdo lloj kontakti me ndonjë shok ose shoqe jashtë, as edhe pranim të mysafirëve nëpër shtëpi. Gjithashtu, në rast se ke simptoma gripi, veçanërisht koll dhe hundë, atëherë duhet të vetëkarantinohesh.
