Qeveria gjermane ka lëshuar një leje për eksportin e tankeve luftarake Leopard 1 në Ukrainë, tha zëdhënësi Steffen Hebestreit në Berlin të premten, pa dhënë detaje të mëtejshme.
Deri më tani, qeveria ka vendosur vetëm të miratojë dorëzimin e tankeve moderne të betejës Leopard 2 nga rezervat ushtarake të Bundeswehr-it.
E përditshmja gjermane Süddeutsche Zeitung raportoi më herët se prodhuesit Rheinmetall dhe Flensburger Fahrzeugbau Gesellschaft (FFG) duan të rinovojnë dhjetëra tanke Leopard 1 dhe mund t’i furnizojnë ato në Ukrainë për të luftuar kundër Rusisë, nëse Kievi është i gatshëm t’i blejë ato.
Megjithatë, shton raporti, deri më tani ka pasur probleme me prokurimin e municionit.
Javën e kaluar, qeveria e kancelarit Olaf Scholz vendosi, pas shumë diskutimesh, të furnizojë Ukrainën me 14 tanke luftarake kryesore gjermane Leopard 2, si dhe të lejojë vendet e tjera të furnizojnë këto tanke të prodhimit gjerman për të ndihmuar përpjekjet e luftës në Ukrainë.
Dorëzimi i Leopard 1 në Ukrainë mund të ndodhë në çdo kohë pasi tanket të riparohen, raportoi gazeta gjermane, duke cituar burime qeveritare./FolDrejt/
