Qeveria e Kosovës ka ndarë 5 milionë euro për të mbuluar kursimin e energjisë elektrike, duke aprovuar kështu kërkesën e Ministrisë së Financave, Punës dhe Transfereve.
Siç ka bërë të ditur ministri i Financave, Hekuran Murati, çdo muaj rreth 200 mijë qytetarë po përfitojnë për kursimin e energjisë elektrike.
“5 milionë e 25 mijë euro, shfrytëzohet për mbulimin e subvencionimit të kursimit të energjisë elektrike pra është masa që kemi lansuar ku po përfitojnë rreth 200 mijë qytetarë çdo muaj. Pjesa e 25 mijë euro për disa pagesa që janë bërë në kuadër të pakos për përballje me inflacionin, mirëpo për shkak të gabimeve në llogari bankare janë kthye mbrapa dhe duhet të riekzekutohen”, ka thënë ministri Murati./FolDrejt/
