Kosova dhe Shqipëria kanë filluar takimin e dytë të përbashkët mes dy qeverive respektive.
Kryeministri Edi Rama tha në këtë mbledhje se “qenësia e normalizuar e Kosovës është çelësi i stabilizimit përfundimtar rajonal”.
“Për Shqipërinë, Kosova është shtet i pavarur, sovran, me regjim demokratik, garancia dhe qenësia e normalizuar e të cilit është çelësi i stabilizimit përfundimtar rajonal”, theksoi Rama.
Kreu i qeverisë shqiptare shtoi se “e drejta ndërkombëtare nuk njeh gjysmë-shtete dhe nuk njeh gjysmë-njerëz”, duke nënvizuar se “prandaj jemi të zhgënjyer nga qasja e BE-së në lidhje me pavarësinë e Kosovës dhe lëvizjen e lirë të qytetarëve të saj”.
“Interpoli ishte shfaqje dekurajuese për shfaqjen e partnerëve potencialë në rajon”, shtoi Rama.
Poashtu Rama tha se duhet të shkojnë drejt një unifikimi doganor dhe se tarifa prej 100 përqind është një kundërpërgjigje politike. Ai tha se ky vendim është irracional në kushte normale.
“Tarifa është një vendim irracional në kushte normale. Kush e sheh tarifën 100 si aspekt ekonomik atëherë gabon, por kjo tarifë është si kundërpërgjigje politike”, ka thënë ai.
Rama premtoi se brenda gjashtë muajve do të ketë zero tarifa ndërmjet Kosovës dhe Shqipërisë.
“Zero tarifa brenda gjashtë mujorit të parë ndërmjet Kosovës dhe Shqipëri. Tash është koha që të vendosim tarifa 100 për qind e në veri dhe zero tarifa në jug”, tha Rama.
Në anën tjetër Haradinaj tha se e dinë që populli i Kosovës dhe Shqipërisë presin më shumë nga dy qeveritë dhe nga këtu do të vazhdojnë me punë dhe angazhim në ballafaqimin e sfidave të shumta.
“Sot Kosova është pal kontaktuese me BE-në, MSA-në dhe njëkohësisht ka përmbushur të gjitha kriteret për liberalizimin e vizave dhe pret që e drejta e vet të respektohet nga e institucionet e BE-së”, ka thënë ai./Foldrejt.com
