BE ndodhet në Ballkan për mbështetje financiare dhe mirëqenie. Gjashtë vende ëndërrojnë anëtarësimin, disat e mbajnë atë brenda mundësive. Një vend i tillë është Shqipëria – megjithatë a është pjekur vendi për një anëtarësim në BE? Shqipëria ka kundërshtarë të fuqishëm në BE, shkruan media e njohur gjermane noz.de, e cila ka intervistuar kryeministrin shqiptar Edi Rama.
Kush kërkon të dijë se pse shqiptarët janë zemëruar me BE, duhet të flasë me kryeministrin Edi Rama.
“Ne jemi një top loje në politikën e brendshme të shteteve të BE,” thotë Edi Rama duke shtuar se askush s’ka bërë më shumë reforma në rajon sesa qeveria shqiptare. “Ne e duam këtë martesë, por thjesht kjo nuk po ndodh,” vijon më tej me batuta Rama. “Për ne nuk ka Plan B.”
Në lidhje me imazhin e shëmtuar që po shpërndajnë mediat perëndimore se Shqipëria është në duar të oligarkëve, e korruptuar, qendër e drogës dhe me shpirt të vjetër komunist, Rama i quan “thjesht një Bullshit”.
Më tej media gjermane thekson se në kohën kur Gjermania është më e hapur kundrejt anëtarësimit të Shqipërisë, kjo nuk ndodh me Francën ndër presidentin Emanuel Macron, i cili është kategorikisht kundër zgjerimit të mëtejshëm të BE. Por në anën tjetër, ekziston frika se në rast se Ballkani Perëndimor mbetet pa perspektivën europiane, Fuqitë tjera mund të fusin ndikimin atje – duke nënkuptuar Kinën, Rusinë dhe Turqinë.
Media gjermane citon edhe një fjalë të urtë shqiptare – më mirë humbësh një sy, sesa nderin. Gjithashtu media gjermane NOZ thekson se jane shkulur shumë rrënjë kanabis, nga reforma në drejtësi janë shkarkuar 40 prokurorë dhe gjykatës, megjithatë Shqipëria ka edhe tepër rrugë për të bërë që ta përmirësojë imazhin e saj.
