Fabrizio Romano ka konfirmuar se Savio Moreira (19-vjeçar) pritet të luajë për Manchester City-n sezonin e ardhshëm.
Sulmuesi i Gironas i huazuar nga Troyes do të jetë nën drejtimin e Pep Guardiola nga vera. Nuk dihet se sa do të jetë kompensimi pasi Manchester City, Girona dhe Troyes janë nën të njëjtin pronar.
Për kujtesë, Girona u bë pjesë e City Football Group në vitin 2017. Më pas UEFA lejoi një grup të kishte nën pronësi më shumë se një klub në futbollin evropian. Që atëherë, pronarët e Cityt kanë mbështetur financiarisht dhe në personel këtë klub më të vogël spanjoll të divizionit të parë, i cili aktualisht është në vendin e dytë në La Liga.
Sheikh Mansour bin Zayed al-Nahyan dhe Khaldoon Mubarak themeluan City Football Group, ku më pastaj blenë Manchester City. Ata e bënë ekipin nga Etihad klubin më të fortë në botë.
Savio vlen 30 milionë euro sipas Transfermarkt, dhe këtë sezon krahu i majtë i madh shënoi shtatë gola dhe asistoi shtatë herë në 28 ndeshje. Savia ka teknikë dhe shpejtësi të madhe, gjë që e bën të ndër talentët më të spikatur këtë sezon. /FolDrejt/
