Në përvjetorin e vrasjes së politikanit serb të Kosovës, Oliver Ivanovic, media e njohur austriake “Der Standard” ka kryer një reportazhë nga veriu (kriminal) i Kosovës. Shkrimi është botuar edhe për median investigative BIRN.
Me titull “Bomba dhe plumba: Frikë dhe neveri në Veriun e Kosovës”, artikulli thekson se një vit pas vrasjes së Ivanovicit edhe shumë atentate tjera kanë mbetur të pasqaruara nga drejtësia duke lënë të kuptohet se ky rajon i Kosovës është i mbushur me kriminelë dhe ku ligji është jo-funksional.
Edhepse Ivanovic ishte i akuzuar për krime lufte, thuajse askush nuk mendon se vrasja e tij lidhet me tensionet etnike. “Si dyshues kryesor i vrasjes së tij vlen zv.kryetari i “Lista Srpska” Milan Radocic, i cili vlen edhe si i forti i veriut dhe mbi ligjin,” përcjell foldrejt.com. Radocic akoma është në arrati.
64 sulme mbi personat “jo-besnikë”
Sipas “Der Standard” situata shfaqet e tensionuar prej në kohën kur Lista Srpska fitoi zgjedhjet në 2014, ku edhe janë sulmuar 64 serbë të Kosovës, të cilët vlejnë si jo-besnikë. Mes tyre ka politikanë, pjesëtarë të policisë, gazetarë, biznesmenët dhe personalitete të njohura të cilët kërkojnë përafrim me shqiptarët, përcjell foldrejt.com.
Këto sulme janë shtuar tepër që në kohën kur Lista Srpska mori kontrollin mbi veriun duke kryer sulmet nëpër shtëpi, vetura dhe në shumicën e rasteve gjatë natës. Deri tani asnjëri nga autorët e 64 krimeve nuk është arrestuar.
Në Kosovën e Veriut po udhëhiqet si në diktaturë ushtarake ku në katër vitet e fundit janë vrarë pesë politikanë opozitarë – mes tyre edhe miku u Ivanovicit, Dimitrije Janicijevic. Ivanovic kërkonte që serbët e Kosovës të mbahen mes veti dhe të pavarësohen nga Beogradi. Përveç humbjes në zgjedhje, kjo mund ti ketë kushtuar edhe jetën.
Për të mos mbaruar këtu, media austriake tregon edhe sulmin me bombë mbi veturën e Dragisha Milovic (korrik 2017), i cili kandidonte për kryetar me partinë e Ivanovicit në Zubin Potok, sulmin mbi shtëpinë e Dragan Jablanovic i cili konkurroi si i pavarur për kryetar në Leposavic (tetor 2015), sulmi mbi shtëpinë e Drazen Stojkovic i cili ishte shefi i Komunës së Mitrovicës Veriore.
Të gjithë të lartëpërmendurit janë kundërshtar të Listës Srpska dhe sulmet me bomba kundër tyre duken më se normale – kush nuk ndjek vijën partiake në Veriun e Kosovës, kërcënohet deri në vdekje.
Lidhja e vetme me Serbinë është Lista Srpska
Lista Srpska paraqitet si partia e vetme serbe në Kosovë dhe me lidhje të ngushta me qeverinë e Aleksandër Vucic. Edhe vetë i ashtuquajturi ministër për Kosovën në Serbi. Gjuric, gjatë fjalimit të tij në Zvecan tha se “Lista Srpska është e vetmja lidhje e njerëzve në Kosovë me Serbinë.”
Serbia ka në kontroll total Lista Srpska dhe mundohet të luftojë edhe opozitën e Oliver Ivanovicit. Kjo ka sjell edhe fitoren e thellë të Lista Srpska në votimet e fundit në Kosovë.
Këto persona të lidhur me Serbinë sulmojnë edhe bizneset të cilat nuk bojkotojnë institucionet e Kosovës. Restorani Dolce Vita dhe Hoteli Sasha u sulmuan me granatë pasi ata u vizituan nga politikanja që udhëheq dialogun me Serbinë, Edita Tahiri, kurse ngjashëm ndodhi edhe me kafen e Drazevicit në liqenin e Gazivodës ku në shtator 2018 piu kafe presidenti i Kosovës, Hashim Thaçi.
Ngjashëm ka ndodhur edhe me të gjithë të punësuarit serbë në polici dhe tash në ushtrinë e Kosovës të cilët kanë marrë një letër kërcënuese që do ua “thyejnë eshtrat” nëse nuk tërhiqen. Poashtu kërcënime për vdekje kanë marrë edhe familjarët e tyre, përcjell foldrejt.com.
Frikë nga reprezalja
Komandanti i Policisë Besim Hoti në lidhje me moszbulimin e 64 atentateve në Kosovën e Veriut thotë se lidhet edhe me frikën e banorëve që të japin informata në polici.
“Banorët nuk flasin atë që e dinë, pasi ata kanë frikë,” tha Hoti, duke shtuar se më vështirë është për t’i zbuluar dy-tre grupet që vendosin bomba nëpër vetura.
Për ta vërtetuar këtë, një pronar serb, të cilit i është sulmuar me mjete shpërthyese dyherë biznesi, në kushte anonimiteti thotë se “nuk beson asnjërin dhe nuk dëshiron të flasë me asnjërin. Unë banoj këtu dhe kam një familje.”
Në qershor 2015 u sulmua edhe media serbe e Mitrovicës veriore Kossev. Kryeredaktorja Tanja Lazarevic thotë se pesë muaj më vonë, në dy të mëngjesit shpërtheu bomba mbi gazetarin e saj Nevenka Medic.
Edhepse nuk ka ndonjë arsye të caktuar, Lazarevic është e bindur se në veriun e Kosovës të gjithë’ ata që nuk ndjekin mendimet e strukturave lokale dhe kundërshtojnë politikat e tyre ‘dënohen’, përcjell foldrejt.com.
Bojan Elek nga Qendra për Siguri Politike në Beograd pranon se Kosova e Veriut është një zonë pa ligj dhe ku strukturat mafioze operojnë lirshëm.
“Në njërën anë duket se Prishtina nuk ka vullnetin ose mundësinë për të kontrolluar veriun, përveç institucioneve që ndodhen në procesin e integrimit,” thotë ai. “Në anën tjetër Beogradi ka interes ta lë veriun në këtë situatë që është.”
Kjo situatë i shkon përshtati Serbisë që gjatë dialogut të kërkojë veriun dhe më pas qeveria serbe të arsyetohet përpara qytetarëve të saj se nuk ka humbur gjithë Kosovën por ka “fituar diçka”.
Jetim
Një vit pas vrasjes së burrit të saj, Milena Ivanovic kërkon sqarime për atë se kush e ka lënë pa baba, djalin e saj shtatëvjeçar.
“Nuk mund të humbas shpresën,” tha ajo. “Oliver e ka merituar – dhe ne e meritojmë të gjithë – të gjejmë se kush ndodhet pas vrasjes së tij. Mendoj, se është e rëndësishme për çdo person të sinqertë dhe të drejtë në Serbi.”/Foldrejt.com
