Kosova aktualisht po ndjek gjurmët e vendeve perëndimore në fushën e arsimit, duke adoptuar modelet e tyre me shpresën për të arritur një sukses ekonomik dhe shoqëror të ngjashëm me ta.
Nga Fol Drejt
Megjithatë, kjo imitueshmëri shpesh bëhet pa një analizë të thelluar të pasojave mbi familjet që jetojnë në një sistem kapitalist, të zhveshur nga vlerat morale të forta. Këto vlera, dikur të rrënjosura në fe, janë lënë pas dore në emër të një modernizmi që shihet si i papajtueshëm me besimin.
Kjo ide është e gabuar. Si një popull kryesisht mysliman, mjafton që ne të integrojmë parimet e Islamit në modernitet për të ndërtuar një shoqëri të balancuar dhe të suksesshme në të gjitha fushat. Megjithatë, ata që praktikojnë fenë shpesh konsiderohen si të prapambetur. Por le të shohim më nga afër: shoqëritë perëndimore, të cilat përpiqemi t’i imitojmë, kanë dështuar të garantojnë mirëqenien personale dhe familjare. Ky model që kërkojmë të zbatojmë në shkollat tona krijon individë të shkëputur, ndonjëherë edhe të rrezikshëm për të afërmit e tyre. Statistikat shqetësuese, si ato që raportojnë se tre fëmijë në çdo klasë janë viktima të dhunës seksuale brenda familjes së tyre në këto shoqëri, na tregojnë qartë se sa i dështuar është ky model. A është me të vërtetë kjo ajo që dëshirojmë për të ardhmen e vendit tonë? A është ky modeli që duam të kopjojmë dhe të aplikojmë te ne?
Është koha të kuptojmë se edukimi familjar duhet të mbështetet në vlera të përjetshme dhe të udhëhiqet nga një besim i palëkundur. Vetëm kështu do të ndërtojmë një komunitet të shëndetshëm, ambicioz dhe të aftë për të realizuar projekte të mëdha. Si shqiptarë, identiteti ynë nuk qëndron vetëm te trashëgimia jonë, por te aftësia jonë për të bërë zgjedhjet e duhura dhe për t’u angazhuar për të vërtetën, drejtësinë dhe të mirën e përbashkët. Kjo veçori është forca jonë dhe duhet të na udhëheqë në ndërtimin e së ardhmes sonë.
Kujtojmë që edhe shtete të zhvilluara si Zvicra kanë probleme të tilla, madje shumë më ekstreme. Në bazë të një artikulli tronditës të Radio Televizionit Zvicerian (RTS) thuhet se mesatarisht 350 raste incesti raportohen çdo vit në policinë zviceriane, por siç thuhet aty, shifrat janë shumë më të larta se kaq.
“Për 10 vite me radhë, mesatarisht 350 raste incesti raportohen çdo vit tek policia në Zvicër. Por shifrat reale mund të jenë shumë më të larta: midis 2 dhe 3 fëmijë për klasë, sipas disa ekspertëve. RTS ka takuar një të viktimë nga incesti.”
Pra, këtu është njëri nga rreziqet kryesore, që nga shthurje morale ekstreme si kjo, ndoshta një ditë mund të rrezikohet edhe Kosova pasi që në atë rrugë të gabuar jemi. Mjafton ta kujtojmë kurrikulën e fundit në lëndën e Edukimit seksual, ku sipas saj nxënësit (fëmijët) duhet t’i përdorin shprehjet më vulgare që i kanë dëgjuar ndonjëherë të organeve gjenitale. Sipas asaj kurrikule, fëmijët duhet t’i mbyllin sytë dhe symbullurazi të prekin në tërë trupin e njëri – tjetrit dhe pastaj të tregojnë se çfarë ndjenja kanë pasur gjatë prekjes. Sipas asaj kurrikule, nxënësit e kanë pasur për detyrë që të provojnë të blejnë prezervativë dhe pastaj të provojnë t’i vendosin në pemë (banane). Sipas asaj kurrikule, mësimdhënësi duhet t’u tregojë nxënësve për marrëdhënien e tij seksuale me gruan e tij. Andaj, duhet zgjim nga gjumi para se të jetë vonë, ngase jemi në rrugën e gabuar dhe kësisoji në emër të një të ashtuquajturi modernizëm, po i rrezikojmë vlerat tona familjare. /FolDrejt/
