Përkujtimore në ditën e hënë jashtë sinagogës Tree of Life në Pitsburg ku 11 persona u qëlluan me vdekje ditën e shtunë. Disa grupe përfshirë edhe dy organizata myslimane, kanë ndihmuar duke tubuar të holla për viktimat. Foto e realizuar nga Michael Henninger për The New York Times.
Nga Matthew Haag, marrur nga The New York Times
Dy organizata myslimane kanë tubuar diku 200 mijë dollarë amerikanë për të ndihmuar viktimat dhe familjet e tyre si rezultat i të shtënave masakruese në sinagogën Tree of Life në Pitsburg ditën e shtunë.
Tubimi i fondeve në internet ishte pjesë e një depërtimi të gjërë të ndihmës në përgjigje të sulmit antisemit, që si pasojë 11 njerëz u vranë dhe gjashtë të tjerë mbetën të plagosur; si dhe aktivitete të tjera të tilla si: dhurimi i gjakut, vigjiljet dhe një fushatë e veçantë për tubimin e fondeve që ka sjellur qindra mijëra dollarë.
Tarek El-Messidi, aktivist në Çikago ka thënë që ka dëgjuar për vrasjen në sinagogë nga një thirrje e një shoku të tij ditën e shtunë, i cili merret me tubimin e fondeve në faqen e internetit LaunchGood. Shoku i tij e ka pyetur Z. El-Messidin nëse do të bënte diçka për të ndimuar viktimat, dhe ky i fundit ishte pajtuar.
Brenda dy orëve ai ka krijuar një fushatë në internet me përkrahjen e dy organizatave myslimane, CelebrateMercy, ku është drejtor themelues dhe MPower Change. Ai vendosi një qëllim fillestar për të arritur vlerën e 25.000 dollarëve amerikan, por që këto vlera u tejkaluan pasiqë kishte donacione në vlera të mëdha parash.
Zotëri El-Messidi tha që ishte në gjendje të niste këtë fushatë dhe të tubojë donacione aq shpejtë pasiqë të njëjtën gjë kishte bërë edhe më parë. Vitin e kaluar nëpërmjet LaunchGood, ka tubuar 136.000 dollarë amerikanë për të riparuar qindra gurrë varesh hebreje të cilat ishin shkatërruar në St. Louis në Filadelfi.
“Duke lënë menjanë dallimet tona fetare apo edhe dallimet tuaja politike, thelbi i të gjithë neve është se ne ndajmë një botë njerëzish të përbashkët,” tha Z. El-Messidi gjatë intervistës. “Ne me të vërtetë dëshirojmë të arrijmë në atë nivel që si qenie njerëzore të ndihmojmë.”
Disa orë pas të shtënave të zjarrit nga vrasësi në brendi të sinagogës Tree of Life, duke i thënë policisë se “dëshiron që të gjithë hebrenjtë të vdesin,” kishte një mbështetje të madhe në Pitsburg dhe më gjërë për viktimat dhe familjet e tyre.
Ajo ka shërbyer si një kujtesë për atë që Fred Rogers, mikpritësi i famshëm televiziv për fëmijë që jetoi në një distancë të afërt prej sinagogës, tha për tragjeditë: “Gjithmonë kërkoni ndihmësit. Gjithmonë ka njerëz që po ndihmojnë”.
Qëndrat për grumbullimin e gjakut në Pitsburg ishin të hapura deri në orët e vona të mbrëmjes. Mijëra njerëz morrën pjesë në marshet e heshtjes në të gjithë qytetin, duke qëndruar krah për krah në shiun e ftohtë, me njerëz të besimeve të ndryshme. Shitoret dhuruan ushqim. Kurse skuadra e hokejit Pinguinët e Pitsburgut, organizuan aktivitete për dhurimin e gjakut gjatë ditës së hënë, kurse gjatë ndeshjes të ditës së martë do të tubojnë para nga fansat e tyre.
Në një vigjilje ndërfetare të dielën në mbrëmje, Rich Fitzgerald, zyrtari më i lartë i qarkut të Pitsburgut, foli për mënyrën se si ai kishte parë njerëzit që u futën në veprim pas të shtënave vdekjeprurëse, duke organizuar përpjekje për ndihmë dhe duke ofruar çfarëdo ndihme që mund të kishin.
“Ne pamë një tubim të njerëzve në të gjithë këtë komunitet dhe mbarrë rajonin”, tha zotëri Fitzgerald në vigjilje, mbajtur në Sallën Përkujtimore të Ushtarëve dhe Marinarëve.”Fanatizmi nuk do të fitojë. Urrejtja nuk do të fitojë.”
Njëri ndër personat që shfrytëzoi mundësinë për të ndihmuar ishte Shay Khatiri, një iraniano-amerikan, i cili ka emigruar në Shtetet e Bashkuara të Amerikës katër vjet më parë. Z. Khatiri i cili jeton në Uashington, të shtunën krijoi një fushatë GoFundMe për rastin e sinagogës.
Gjatë fundjavës, donatorët kontribuan më shumë se 100.000 dollarë. Pastaj 200.000 dollarë. Dhe të martën në mbrëmje, fushata ka arritur vlerën e 900.000 dollarëve amerikan. Synimi është që kjo shumë të arrijë vlerën e 1 milion dollarëve.
Në mesin e donatorëve “janë Steins dhe Bergs, janë edhe Muhammed. Janë emra gjenerik amerikan, dhe poashtu janë edhe emra aziatikë,” ka shkruajtur Z. Khatiri në GoFundMe. “Është e përshtatshme që amerikanët e të gjitha preardhjeve – emgrantë, vendas, hebrenj, atesistë, budistë, hindu, krishterë, muslimanë dhe të tjerë – janë bashkuar kundër këtij veprimi urrejtës. Amerika është e bukur!”
Zotëri El-Messidi tha që fondi i tij ka filluar që të shpërndajë disa nga donacionet të hënën në mëngjes. Ai shpreson që kontributet do të jenë të mjaftueshme për të mbuluar shpenzimet e funeralit të personave të cilët u vranë dhe shpenzimet shëndetësore të atyre të cilët u hospitalizuan.
Ai thotë që vazhdimisht kujton historinë e profetit Muhammed, themeluesit të Islamit, kur ai pa kortezhin e funeralit të një burri hebre. Profeti u ngrit në këmbë në shenjë respekti. Kur dishepujt e tij i thanë që burri nuk ishte mysliman, Muhammedi u përgjigj, “A nuk ishte edhe ai shpirt?”
El-Messidi tha që edhe pse Judaizmi dhe Islami kanë dallimet e veta, ato u lidhën me një ngjajshmëri tragjike: Ndjekësit e të dy besimeve kanë qenë në shënjestër të sulmeve fanatike. “Diskriminimi i përbashkët i ka sjellë të dy komunitetet më afër,” tha ai.
