Natacha Butler e Al Jazeera, duke raportuar nga Kievi, thotë se ka “shumëçka të flitet” nga zyrtarët e BE-së dhe Ukrainës në samitin e së premtes, përcjell Fol Drejt.
“Një nga gjërat kryesore, nga këndvështrimi i Ukrainës, është anëtarësimi i saj i ardhshëm në BE,” tha Butler.
“Kandidatura e saj u miratua nga blloku qershorin e kaluar, por ajo që Kievi tani dëshiron është që negociatat mbi procesin e tij të aspirimit të përshpejtohen,” shtoi ajo.
“Sidoqoftë, shumica e liderëve të BE-së thonë se kjo nuk ka gjasa të ndodhë sepse ka një sërë kriteresh dhe kushtesh që duhet të përmbushen nga çdo vend që dëshiron të jetë pjesë e BE-së në fusha të tilla si ligji për mediat, gjyqësori dhe gjërat si korrupsioni.
“Dhe ka shumë më tepër punë që duhet bërë përgjithësisht në Ukrainë për të përmbushur standardet e nevojshme për t’u bërë një anëtar i plotë.”
Butler tha se zyrtarët ukrainas dhe të BE-së do të diskutojnë gjithashtu më shumë mbështetje ushtarake dhe humanitare për Kievin, si dhe sanksione të mëtejshme ndaj Rusisë. /FolDrejt/
