Një anije e cila përmbante 50 mijë litra naftë kontrabandë është sekuestruar në Portin e Durrësit.
Burime nga policia e Shqipërisë bëjnë me dije se bëhet fjalë për anijen “Geni”, e cila është e katërta anije peshkimi që zbulohet që ka mban naftë kontrabandë, përcjell Fol Drejt.
Kujtojmë se janë shumë anije peshkimi që prej vitesh bëjnë kontrabandë të naftës, duke e marrë atë me çmim shumë të ulët në vendet e Lindjes së Mesme me pretendimin se po furnizohen për nevojat e veta dhe pastaj e shesin në treg me çmim shumë herë më të lartë.
Vetëm pak muaj më parë një tjetër anije me sasi të madhe nafte u kap gjithashtu në Durrës./FolDrejt/
