Senatori rus Alexei Pushkov paralajmëroi Perëndimin se po “bie në kurth” duke ofruar ndihmë ushtarake për Ukrainën.
Sipas tij, Perëndimi po shkon drejt forcimit të mëtejshëm të mbështetjes ushtarake për Kievin, ndërsa shkalla e vetëidentifikimit politik të qarqeve sunduese perëndimore me Kievin është e tillë që “ata janë të gatshëm ta konsiderojnë humbjen e Ukrainës si disfatë të tyre”.
“Kështu e detyrojnë veten në një kurth, sepse çdo hap i ri në mbështetje të Kievit, çdo betim i ri për besnikëri ndaj Ukrainës i privon ata nga liria e manovrimit dhe mundësia e tërheqjes. Dhe megjithëse NATO pretendon se nuk dëshiron të hyjë në luftë me Rusinë, çdo hap i tillë çon në përshkallëzimin e mëtejshëm të konfliktit”, paralajmëroi senatori në kanalin e tij Telegram, transmeton Fol Drejt.
