Xherdan Shaqiri (27) flet për mundësinë e kthimit në FC Basel, pas përpilimit të listës së Top 11 ish lojtarët më të mirë të Baselit nga “Blick”.
“Çfarë mund të bësh për një skuadër, uau!,” tha Shaqiri për “Blick”, përcjell foldrejt.com. Të shtunën Shaqiri ishte në normalitet, pas fitores kundër belgëve me rezultatin 5 me 2. Konrata e tij me Liverpulin përfundon në 2023, kurse më pas a do ishte e paramenduar që të kthehej në Zvicër për klubin e tij të fëmijërisë FCB.
“Pë këtë ka kohë dhe unë dua të arrij gjitha qëllimet me Liverpulin. Por për të ardhur në Basel, është gjithmonë një mundësi. Për prindërit e mi do ishte speciale, që unë të rikthehesha në FCB. Mbase do luaja atje me të rikthyerit tjerë. Kur mund të mendosh se çfarë mund të bësh me ish lojtarët e Baselit – fantastike,” tha Shaqiri, përcjell foldrejt.com.
Shaqiri flet vetë: «Sommer portier, në mbrojtje Schär, Akanji, Abraham, në mesfushë Lang, Rakitic, Xhaka, Elneny, në sulm Salah, Embolo dhe unë. Kurse nuk kemi folur për Dragovic, Derdiyok, Elyounoussi ose Steffen.»
Shaqiri thotë se gjatë viteve të fundit të tij mund të provojë të shkojë edhe në SHBA. “Katari dhe Kina kanë më pak gjasa. Por kush e dijë çfarë sjell e ardhmja. Për atë vlen: Fokusoju KËTU dhe TANI.”/Foldrejt.com
