Me transferimin tek skuadra e Liverpoolit, Xherdan Shaqiri po kalon në formë perfekte.
‘Xherdani i artë’ i Liverpool-it po tregon kualitetet e tij prej një futbollist klasi dhe për këtë ka arritur të gëzojë respektin e miliona tifozëve në mbarë botën.
Revista e famshme botërore, ‘Four Four Two’ ka bërë një shkrim sensacional për transferimin e anësorit kosovar te skuadra angleze, transmeton RTV 21.
Shaqiri ka kaluar në verën e vitit të kaluar te Liverpool për 12 milionë euro nga Stoke City që ra nga liga, por që nga atëherë ai ka treguar se është transferimi më i qëlluar në Premier League.
Sipas revistës, anësori nga Zhegra e Gjilanit ishte parë si zëvendësues i Philippe Coutinhos, e që pak kush kishte besuar në cilësitë e tij.
