Shefat gjermanë të VW Herbert Diess, Daimler Mercedes Dieter Zetsche, si dhe përgjegjësi i financave të BMW Nicolas Peter kanë lutur presidentin Donald Trump për largimin e tarifave. Në anën tjetër Trump përgjigjet: “Unë jam person i tarifave”, shkruan bild.de.
Tre kompanitë më të mëdha automobilistike në Gjermani, kanë punësuar rreth 115 mijë persona në SHBA dhe kanë bërë me dije një aleancë me kompaninë amerikane FORD dhe disa kompani tjera souftuerike si Microsoft, për të mundësuar largimin e tarifave. Kjo sipas tyre do hapte vende të tjera pune në SHBA dhe gjetkë, përcjejj foldrejt.com.
Të tre bosat gjermanë kanë pasur takime disa orëshe me përfaqësuesit e Shtëpisë së Bardhë ku në fund kanë takuar presidentin Trump për rreth 40 minuta. Në fund Trump krahas që shkruajti se është person i tarifave shkruajti edhe „Make America rich again“.
“Ne nuk jemi këtu për të biseduar, pasi bisedimet i udhëheqin qeveritë, i udhëheq BE. Ne jemi të ftuar këtu dhe përdorim shansën, për të treguar pozicionet tona,” thuhet në delegacionin e bosave gjermanë.
Si kundërpërgjigje BE ka rritur me 10 përqind tarifat ndaj veturave amerikane, por të tre prodhuesit gjermanë e kanë paraqitur atë si kontraproduktive. Në 2017 kishte vetëm 19 200 vetura të reja amerikane në Gjermani./Foldrejt.com
