Shkup, Maqedoni (Reuters) — Kryeministri i Maqedonisë Zoran Zaev, të hënën kërkoi nga deputetët e opozitës për të “parë në të ardhmen” dhe për të ratifikuar ndryshimin e emrin ashtu siç është dakorduar Greqia, pas një referendumi të pasuksseshëm për këtë çështje.
Greqia për një kohë të gjatë ka bllokuar aspiratat e shtetit fqinj Maqedonisë për tu anëtarësuar në Bashkimin Evropian dhe NATO me emrin aktual, që nga Athina është nënkuptuar si pretendim territorial për një krahinë greke me të njëjtin emër. Por të dy vendet arritën një marrëveshje në qershor të këtij viti nën të cilën Republika Ish Jugosllave do të bëhej Maqedonia Veriore, për t’i dhënë fund një mosmarrëveshjeje 27 vjeçare.
Megjithatë referendumi në Maqedoni për marrëveshjen nuk arriti të kalojë pragun e pjesëmarrjes prej 50 përqind, për të mbetur çështje për tu zgjidhur në Parlamentin e Shkupit.
Koaliconi i majtë-qëndror qeversës i cili ka 72 deputetët në parlamentin e Maqedonisë, prej gjithsejt 120 vende, duhet të sigurojë një shumicë prej dy të tretash për të miratuar ligje për ndryshimet kushtetuese. Deputetët e mbetur janë anëtarë të partisë nacionaliste VMRO-DPMNE, që gjithashtu mbështesin anëtarësimin në Bashkimin Evropian dhe NATO, por kundërshtojnë ndryshimin e emrit të shtetit.
Debati maksimalisht do të zgjasë 10 ditë, pas të cilës çështja do të vendoset në rend dite për votim.
“Le ti tregojmë botës që edhe përskaj të gjitha keqkuptimeve dhe konflikteve të brendshme poltike, kemi një interes të përbashkës – të ardhmen e vendit tonë”, iu drejtua Zaev deputetëve në Parlament.
“U bëj thirrje deputetëve të mendojnë dhe të shohin në të ardhmen,(dhe të marrin në konsideratë) nëse duan një Maqedoni Evropiane ose izolim, varfëri dhe pasiguri,” tha Zaev.
Ai tha se nëse qeveria e tij nuk arrin të sigurojë shumicën për ndryshimin e emrit të shtetit, ai do të bëjë thirrje për zgjedhje të reja parlamentare.
Ilija Dimovski i VMRO-DPMNE tha se parlamentit aktual i mungon legjitimiteti për të vendosur për ndryshimet kushtetuese.
“Asnjë nga partitë politike nuk diskutoi ndryshimin e emrit në fushtatat e tyre zgjedhore(në vitin 2016),” tha ai.
Procedura për të kaluar ndryshimet kushtetuese është e gjatë dhe kërkon disa raunde votimi, ku me debatin e ditës së hënë ka filluar faza e parë. Nëse koalicioni i Zaevit siguron dy të tretat e shumicës për të votuar ndryshimet, procedura mund të përfundojë diku nga mesi i janarit.
Sipas marrëveshjes, Shkupi zyrtarisht do të miratojë emrin e Republikës së Maqedonisë Verirore, duke zëvenduar emrin aktual ish Republikën Jugosllave të Maqedonisë, për t’u bashkuar në NATO dhe për të filluar procesin e pranimit në Bashkimin Evropian.
