Për ndeshjen e sotme mes PSG dhe All stars (Al Hilal dhe Al Nassr) që luhet në qytetin e Riadit, pasaniku Musref Al Gambi pagoi një biletë VIP 2.6 milionë euro, por të gjitha paratë do të shkojnë për qëllime humanitare.
Një biznesmen nga Arabia Saudite, Musref Al Gamdi, ka paguar 2.6 milionë dollarë për një biletë VIP për ndeshjen e e sotme mes PSG dhe All stars që do të luhet sot në kryeqytetin e Arabisë Saudite. Skuadra nga Riadi do të drejtohet nga portugezi Cristiano Ronaldo si kapiten, por nga ana tjetër do të jetë rivali i tij i madh Lionel Mesi . Kjo do të jetë paraqitja e parë e Cristiano Ronaldos që nga nënshkrimi i një marrëveshjeje me klubin saudit Al Nasr. Me rastin e spektaklit, sauditët nisën një ankand humanitar për një biletë VIP me titull: “Biletë përtej imagjinatës”. Çmimi fillestar ishte 266,000 dollarë, por u shit në vend për një shumë të pabesueshme 2.6 milionë! Për paratë e investuara, blerësi i pasur Musref Al Gamdi do të ketë akses në dhomat e zhveshjes të ekipit, si dhe të takohet dhe të fotografohet me yjet më të mëdhenj – Cristiano Ronaldon dhe Lionel Messin ose me të tjerë siNeymar, Mbappe, Verati, Donaruma…/FolDrejt/
