Një shtet që vërtet rrezikohet nga forcat separatiste është Bosnja dhe Hercegovina, ku së fundi ka eskaluar debati mes përfaqësuesit të serbëve, Milorad Dodik, i cili e ka quajtur një “monstër”, “kriminel” dhe që punon kundër të drejtave të serbëve Përfaqësuesin e Lartë të Bosnjës, Valentin Inzko, që de fakto asnjëherë nuk e ka përdorur fuqinë e tij, përkundër që liderët e Bosnjës shpesh kanë kaluar vijat e kuqe, informon foldrejt.com.
Këto tensione ndodhin 25 vjet pas Marrëveshjes së Daytonit, që ndaloi gjakderdhjen në Bosnjë, por që marrëveshja e saj po duket demode kohëve të fundit.
Në një libër të botuar së fundi nga eksperti i Ballkanit, njëherësh edhe ish i ngarkuari për të udhëhequr me Bosnjën, Christian Schwarz-Schilling, tregohen shumë detaje rreth shtetit boshnjak të ndarë mes kroatëve, serbëve dhe boshnjakëve. Në librin e tij me titull “Der verspielte Frieden in Bosnien. Europas Versagen auf dem Balkan”, ku flet për dështimin e Europës mbi Ballkanin, tregon se duhet të pranohet edhe faji i Gjermanisë për vuajtjet e boshnjakëve, informon foldrejt.com.
“Unë pash vetë faktin e dhimbshëm, që qëndrimi i shumë shteteve europiane, përfshirë edhe Gjermaninë, me papërgjegjshmërinë e tyre e zgjatën për sëpaku dy vjet dhimbjen e banorëve të Bosnjës,” shkruan ai, duke dhënë edhe një detaj se 81 përqind e viktimave civilë në Bosnjë ishin boshnjakë 31.107, serbë ishin 11 përqind (4.178), kurse kroatë shtatë përqind (2.484).
Në lidhje me situatën e tanishme në Bosnjë, Schwarz-Schilling, është pesimist për paqe afatgjate, pasi shpesh punohet me ultimatume. Zgjidhje sipas tij është teksti i Karl Jaspers në fund të librit të tij: “Paqja është e mundur vetëm përmes Lirisë, Liria është e mundur vetëm përmes të Vërtetës. Andaj e Pavërteta është e vetmja e Keqe, e cila bën të pamundur çdo tentativë Paqeje.”/Foldrejt.com
