Në Suedi është rritur numri i qytetarëve që duan të anëtarësohen në NATO, sipas një ankete.
Sipas rezultateve të anketës së kryer nga kompania e kërkimeve Sifo, shkalla e suedezëve që duan të anëtarësohen në NATO është rritur në 58 për qind, shkruan AA, transmeton Fol Drejt.
Teksa kjo normë ishte 56 për qind në anketën e kryer në muajin maj, ajo u rrit në 58 për qind në anketën e sapopublikuar.
Ndryshe, një memorandum trepalësh u nënshkrua midis Suedisë dhe Finlandës, të cilat kanë aplikuar për anëtarësim në NATO, dhe Türkiye-s, në Samitin e NATO-s të mbajtur në Madrid më 28 qershor, për të trajtuar shqetësimet e Ankarasë rreth sigurisë së saj, si kusht për hapjen e rrugës për dy vendet nordike për anëtarësim në aleancën ushtarake.
Ndërkohë, Suedia dhe Finlanda, proceset e anëtarësimit të të cilave nisën me samitin e mbajtur në Madrid, do t’i fillojnë bisedimet e përbashkëta dakorduese me Türkiye-n.
Sipas deklaratës së Ministrisë së Jashtme suedeze, takimi i parë i këtij mekanizmi do të mbahet më 26 gusht./FolDrejt/
