“Të hapesh një shitore është diçka e lehtë, por ta mbash hapur paraqet një art” (Proverbë kineze)
Shumë individë ndërmarrin hapat për të nisur ndonjë biznes, por janë të paktë ata që mbijetojnë luftën e egër dhe të pamëshirshme të tregut të lirë. Andaj një thjeshtëzim për biznesin do të ishte që ai është art, kurse individët që udhëheqin me të janë aktorë, të cilët në të shumtën e rasteve nuk posedojnë përgaditjen profesionale dhe nuk janë të shkolluar në lëminë e biznesit. Edhe përskaj kësaj, përsëri janë të suksesshëm në akivitetin e tyre nga vetë fakti që dinë të aktrojnë në mënyrën më të mirë dhe marrin përsipër rrezikun i cili u kanoset nga të gjitha anët.
“ Biznesi është kombinim i luftës me sportin “ (Andre Maurois)
Sporti është aktivitet që relakson individin, i jep atij energji pozitive dhe e nxit për aktivitet të mëtutjejshëm. Individët të cilët merren me sport janë më të freskët dhe më të shëndetshëm. Kurse lufta është një aktivitet që qëndron në ballafaqimin e armatosur dhe të dhunshëm mes popujve ose shteteve. Pra, biznesi duhet të jetë një kombimin dhe harmonizim i luftës me sportin. Biznesmenët duhet që të përdorin taktika dhe strategji me të cilat do ti “luftojnë” dhe do ti “mposhtin” konkurrentët. Konkurenca në tregun e lirë është e ashpër, andaj udhëheqësit e biznesit duhet që të jenë të gatshëm për ti përballuar sulmet të tyre të cilat shpeshherë janë të mbushura me risi. Ndonjëherë ndodh që beteja të mos fitohet , por kjo nuk nënkupton që menjëherë duhet tërhequr nga biznesi, nga se në ato momente kur konkurrenti korr fitore pasivizohet, që është një moment mjaft i përshtatshëm për sulm. Kur sheh që lufta me konkurrentët ju ka lodhur atëherë kthejeni biznesin tuaj në sport nga se ajo do të krijojë një energji të atillë që të jep fuqi për të vazhduar më tutje.
“ Biznesi është loj shahu “ ( Autori)
Kur të nisni një biznes vendoseni veten në një tabllo të shahut. Përballë jush gjendet konkurrenti i juaj i cili posedon po të njëjtën fuqi. Fillimisht mundohuni që të mbroheni dhe mos i shpalosni të gjitha taktikat dhe strategjitë që ju i dini. Luani njëlloj si luan edhe konkurrenti juaj. Pra në biznes kjo nënkuptohet, se nëse konkurrenti juaj nuk i ul çmimet e produkteve ose shërbimeve edhe ju mos ndërmerrni një hap të atillë. Pra ulni çmimet kur diçka të tillë të bëjnë edhe konkurrentët, nga se nëse ju ulni çmimet i pari atëherë ndoshta nuk do të jeni në gjendje që ti përshtateni çmimit të ri. Figurat e shahut janë të lidhura midis veti, andaj mundohuni që edhe aktivitetet e biznesit tuaj ti ndërlidhni në atë mënyrë që të plotësojnë dhe mbrojnë njëri tjetrin. Ndërsa me çdo kusht mbroni Mbretin(biznesin), ndonjëherë duke sakrifikuar edhe gjënë më të shtrenjtë, Mbretëreshën. Pra me fjalë të tjera, loja e shahut njëlloj si biznesi kërkojnë mendjeprehtësi, strategji dhe taktika, të cilat ju bëjnë të suksesshën në aktivitetin tuaj. Kujdes se ndonjëherë sulmi ndaj Mbretit ju vjen prej ku nuk e pritni, andaj mbykqyrni me vëmendje të gjitha anët e tabllos.
“ Tre gjëra janë të rëndësishme në biznes : dituria(njohuria), karakteri dhe koha” ( Owen Felltham)
Mos nis një biznes pa mos patur dituri dhe njohuri rreth atij biznesi. Ndonjëherë kjo dituri është e trashiguar, ndërsa në të shumtën e rasteve duhet të mësohet nga praktikat e të tjerëve apo edhe nga shkollat e biznesit. Dituria është me rëndësi nga se si rezultat i saj do të lind edhe ideja për krijimin e një biznesi. Gjithashtu me rëndësi është edhe karakteri i atij që udhëheqë biznesin nga se performanca e biznesit do të ketë po të njëjtin karakter. Dhe së fundmi edhe koha nga se një biznes do të zhvillohet brenda një periudhë të caktuar kohore. Mos pritni që të korrni sukses qysh prej viteve të para, por pritjet tuaja lërni që të realizohen në një periudhë afatgjatë.
Deri tek ideja për themelimin e një biznesi
Si të vimë deri tek ideja për themelimin e një biznesi dhe çka na nevojitet?Është një pyetje që sillet në mendjen e çdonjërit I cili planifikon nisjen e një biznesi. Asnjëri nuk do të kishte dëshiruar që investimi I tij të dështojë dhe të falimentojë për periudhë të shkurtër kohore. Për të mësuar se si të vijmë deri tek ideja për nisjen e një biznesi le ta lexojmë një barcoletë.
“Një fshatar i pasur kishte fermë me pula. Ai dëshironte që të shumojë pulat por nuk e kishte idenë se si. Kishte dëgjuar se në fshatin e tij jetonte një njeri i ditur dhe i urtë, andaj vendosi që të shkojë ta pyes se mos vallë kishte idenë se ti shumonte pulat. Shkoi tek njeriu i ditur dhe e pyeti:
– Dëshiroj të shumoj pulat. Mos vallë keni ndonjë ide se si ta realizoj këtë qëllim?
– Po si jo.Merr 100 pula dhe të gjitha vendosi në ujë të ftohtë dhe lëri ashtu për gjithë natën-iu përgjigj njeriu i ditur.
Fshatari I pasur duke mos u menduar dy herë vendosi që të vepronte ashtu siç e këshilloi njeriu I ditur. Morri 100 pula dhe I vendosi në ujë të ftohtë duke I lënë ashtu për gjithë natën. Të nesërmen kur u zgjua pa që të gjitha pulat kishin ngordhur nga I ftohti. Fshatari u mërzit për humbjen e pulave, por duke dashur që ta rikthejë humbjen vendosi që përsëri ta pyeste njeriun e ditur. Shkoi dhe I tha:
– Idenë që ma dhe nuk funksionoi. Mos ndoshta keni ndonjë ide tjetër se si mund ti shumoj pulat?
– Provo kësaj rradhe vendosi në ujë të nxehtë dhe lëri ashtu për gjithë natën –iu përgjigj I dituri.
Fshatari përsëri nuk u mendua, dhe me të shkuar në fermë morri 100 pula dhe I vendosi në ujë të nxehtë duke I lënë ashtu për gjithë natën. Të nesërmen kur u zgjua pulat I kishte gjetur I njëjti fat. Të gjitha kishin ngordhur nga I nxehti. Mërzia se vinte shtohej tek fshatari, dhe duke dashur të kompensojë dëmin, përsëri vendosi ta pyeste njeriun e ditur. Arriti në shtëpinë e tij dhe iu drejtua me fjalët:
-Si duket edhe kjo ide nuk pati sukses. A keni vallë ndonjë ide tjetër si të shumoj pulat?
– Unë ideja kam sa të duash. Por ti a ke akoma pula?”
Me të vërtetë duket qesharake kjo ngjarje. Por pyeteni vallë se si ndjehet fermeri I cili humbi 200 pulat që kishte. Me siguri I dëshpëruar dhe I mërzitur. Kjo barcoletë na jep edhe përgjigjen se si të vimë deri tek ideja për themelimin e një biznesi. Të luash me para nuk është lojë, andaj edhe kur të investoni analizoni mirë se çfarë jeni duke vepruar. Mos merrni ide për nisjen e biznesit vetëm se prej një njeriu të ditur, por prej një të dituri dhe të profesionalizuar njëkohësisht. Një person mund të jetë mjaft I ditur dhe I urtë, por që nuk ka njohuri dhe nuk është profesionalist në një lëmi përkatëse, nga ai nuk duhet të merret ide se si duhet nisur biznesi. Pyetni individë të cilët njohin nevojat e tregut lokal dhe më gjërë, individë të cilët kanë njohuri se në cilët sektorë ka mungesë investimesh apo cilat produkte ose shërbime do të ishin të kërkuara nga konsumatorët. Konsultohuni me biznesmenë të cilët kanë pasur sukses gjatë aktivitetit të tyre afarist, me ekonomistë të cilët njohin mire rrethin dhe financier të cilët do tju kishin ndihmuar për çështjet financiare.
Tani që arritëm deri tek ideja për nisjen e biznesit I rikthehemi urtësisë së dytë e cila del nga barcoleta. Fermeri sakrifikoi pulat për ti shtuar ato, andaj edhe ti duhet që të “sakrikosh” një shumë parash për të filluar aktivitetin afarist. Mjetet financiare janë boshti kyç për themelimin e një biznesi. Burimet e financimit mund të jenë të ndryshme;duke nisur nga kapitali që posedoni, marrja borxh të afërmëve dhe miqve, marrje kredie, emetim letrash me vlerë nëse është shoqëri aksionare, etj.
Përsëri, edhe njëherë kujdes. Mos ju shkojnë paratë e juaja kot. Mos provoni fatin tuaj me idetë që jua japin persona të cilët nuk kanë njohuri mbi biznesin. Të dështosh disa herë në biznes don që të thotë të falimentosh veten dhe pasardhësit e tu.
Ide ka shumë, por a ka para?
Çfarë performance duhet që të ketë një biznes?
“Një biznes i cili prodhon vetëm se para është biznes i varfër” (Henri Ford)
Ndoshta mendoni që biznesi juaj është duke ecur përpara nga vetë fakti që fitoni shumë para. Të ardhurat nga shitja e produkteve dhe shërbimeve ju duken “të ëmbla” dhe me padurim pritni çastet kur numëroni paratë. Realisht biznesi juaj është i varfër. Jeni i preokupuar me numërimin e parave, kurse haroni nevojat dhe kërkesat e konsumatorëve. Kurrë mos e largoni nga mendja juaj që paratë që ju fitoni dalin nga xhepat e konsumatorëve, dhe sikur të mos ishin ato, ju nuk do kishit sukses. Koncetrohuni më shumë në rritjen e performacës së biznesit, në zgjerimin e tregut dhe prodhimin e produkteve dhe shërbimeve të reja. Paratë që fitoni le të jenë një mjet me të cilin do të zhvilloni biznesin tuaj edhe më tepër. Përderisa ju kënaqeni duke shikuar shumat e të ardhurave të kompanisë, konkurrentët bëjnë plane strategjike për tju dobësuar. Produktet dhe shërbimet e reja, zgjerimi I tregut, kënaqja e nevojave të konsumatorëve le të jenë mbi të gjitha.
“Biznesi i juaj ndërtohet nga paratë e të tjerëve” (Peter Druker)
A e keni pyetur ndonjëherë veten se përse kam nisur biznesin? Padyshim që përgjigjja është : të bëj para. Por po ju pyes: paratë nga kush do ti merrni? Në këtë moment do të ndaleni dhe do të mendoni për një çast. Le ta japim së bashku përgjigjen: Biznesin tuaj e mbajnë të gjallë blerësit e produkteve dhe shërbimeve tuaja. Me një fjalë biznesi I juaj ndërtohet nga paratë e të tjerëve, që në këtë rast në qendër qëndron konsumatori. Paramendoni një biznes pa konsumatorë. Do të ishte vetëm se një dekor me të cilin do të kënaqeshit duke e shikuar. Andaj për të pasur një biznes me performancë të mirë prodhoni produkte dhe shërbime të atilla të cilat u nevojiten konsumatorëve. Bizneset prej fillimit futen në lojën e konkurrencës, ku secili dëshiron të pozicionohet sa më mirë dhe sa më gjatë të mban trofeun e fitores. Në momentin kur biznesi juaj ngec, pyetni “pronarët e parave” se cilat janë nevojat dhe kërkesat e tyre nga se janë po ato që bëjnë të “jetoni” ose të “zhdukeni” nga loja e tregut.
