Çfarë do bëjë Zvicra në rast se eskalon situata mes Kosovës dhe Serbisë, shkruan media zvicerane “Basler Zeitung”, në numrin e sotshëm.
Në fillim media zvicerane thotë se pavarësisht se presidentët Hashim Thaçi dhe Aleksandër Vucic në mënyrë sekrete kanë biseduar për shkëmbimin e territoreve, përpara asamblesë së Kombeve të Bashkuara sa nuk “u kapën për floke”.
Qëndrimi në Kosovë është akoma i nevojshëm, por…?
Në Kosovë ka 190 trupa zvicerane në kuadër të KFOR dhe çfarë do bënin këto trupa në rast se eskalon më shumë situata mes dy vendeve fqinje?
Ministria e brendshme zvicerane i ka dhënë përgjigje kësaj pyetje: “Vendimi i qeverisë së Kosovës ka përkeqësuar më tepër marrëdhëniet mes Serbisë dhe Kosovës. Rasti tregon, që qëndrimi i mëtutjeshëm i KFOR-it është akoma i nevojshëm. Prandaj, ka kuptim dhe është në interes të drejtpërdrejtë të Zvicrës, të jap kontributin e saj në stabilitetin e Ballkanit Perëndimor me Swisscoy. Ne njihemi si një partner i besueshëm për komunitetin ndërkombëtar në vend.”
Në lidhje me shpërthimin e mundshëm të konfliktit, Ministria e Brendshme Zvicerane thotë: “Ne jemi të informuar në çdo kohë për situatën në Kosovë nga ambasadorët tanë në Prishtinë dhe Beograd, ushtarët tanë në terren dhe misionet zvicerane në NATO.”
Me vendim të datës 8 korrik 2017, Këshilli Federal helvet ka kompetencën për të rritur numrin e personelit të Swisscoy në Kosovë me deri në 20 specialistë të sigurisë në rast të eskalimi të situatës.
Trupat zvicerane kanë mandat në Kosovë deri 2020. Se çfarë do ndodh pas kësaj, shefi i komisionit për siguri politike (SIK), Werner Salzmann, nuk është i drejtpërdrejtë, por lë të kuptohet se zviceranët mund të mos e zgjasin mandatin në Kosovë.
“Nuk dua të flas para kohe, por është e qartë se ushtria zvicerane nuk mund të qëndrojë përgjithmonë në Kosovë.” Bile nëse më pyetni personalisht, përgjigja ime është “jo”. Kështu mendojnë gjithë bashkpartiakët e Salzman, popullistët e SVP.
Megjithatë nga partia tjetër zvicerane FDP, theksojnë se “Zvicra ka shumë lidhje të ngushta me Kosovës dhe është në interes të madh të vetë vendin helvet që Kosova të jetë stabile. Në rast të një Kosove jo-stabile, atëherë do kemi presion të valës së emigrantëve – ku thuajse 10 përqind e gjithë kosovarëve jetojnë në Zvicër.”
Por edhe FDP tregon se në rast se vjen deri te dhuna e armatosur mes Kosovës dhe Serbisë, atëherë “sigurisht që zviceranët duhet të tërhiqen nga Kosova.”
Edhepse deri këtu nuk ka arritur situata, për të parandaluar konfliktin e armatosur, është detyrë e prezencës ndërkombëtare.
Zvicra njihet si vend neutral dhe në asnjë konflikt dyshtetëror nuk mer anë – sëpaku zyrtarisht. Kështu ka ndodhur edhe me konfliktin mes Izraelit dhe Palestinës./Foldrejt.com
