Ekziston një datë në të cilën emiri Hamad bin Khalifa Al Thani u bë protagonist në kthesën e madhe të vendin të tij të vogël Katarit – 2 gusht 1990. Në këtë ditë tanket irakene sulmuan shtetin e Kuvajtit. Për 48 orë trupat irakene të Sadam Husejn pushtuan gjithë territorin e pasur të Gjirit. As SHBA dhe as Arabia Saudite, të cilat vlenin si mbrojtëse të shteteve të vogla të Gjirit, nuk arritën të shmangin invasionin, shkruan “Der SPiegel”, përcjell foldrejt.com.
Pushtimi i Kuvajtit ishte alarm për emirin Hamad. Si pasardhës i fronit të Katarit, një shtet që është më i vogël se gjysma e Shqipërisë dhe që në 1990 kishte më pak se 400 mijë banorë, kurrë nuk duhej të mbështetej më në Arabinë Saudite. Në rast rreziku duhet të veprojë vetëm. Një kthesë që Katarin e ktheu në një shtet të fuqishëm ndërkombëtar dhe që solli përherë të parë në Lindjen e Mesme zhvillimin e Kampionatit Botëror të futbollit – atëkohë fitoi në finale me SHBA.
Babai i Hamad ishte një vasal i mbretërisë saudiane. Djali i tij shkruajti historinë, që të mos telefononte çdo ditë në Rijad për të marrë urdhrat e radhës. Kjo ishte një arsye vendimtare se pse ndodhi revolta në 1995 ku u shfronësua Emir Khalifa nga një puç pa gjakëderdhje të kryesor nga djali i tij dhe besnikët e ushtrisë.
Ushtria e Katarit ka vetëm 12 mijë ushtarë
Pas marrjes së pushtetit Emiri Hamad gjithmonë e më tepër do pavarësohej nga Arabia Saudite. Fakti që Katari ndodhej në fushën më të pasur me gaz në votë, i dha emirit të ri një hapësirë loje. Shteti është më mirë ekonomikisht se Arabia Saudite, por ushtarakisht shumë herë më i dobët – për të pamundësuar një invasion vehabistësh të mbretërisë saudiane. Për krahasim: Ushtria e Katarit sot ka 12 mijë burra, në Arabinë Saudite ka 300 mijë ushtarë.
Atëherë Hamad kalkuloi dy qëllime. Në njërën anë lidhi aleanca me SHBA dhe Britaninë, me qëllim, që Katari të vlente si partner i domosdoshëm i Perëndimit, dhe, në anën tjetër Katari të futet në tregut ndërkombëtar. Me këtë ide të emirit, pamundësohej aneksimi i vendit xhuxh nga Arabia Saudite.
Në 1996 me miliarda dollarë të qeverisë katariane, u krijua baza amerikane Al Udeid. Në luftrat kundër Afganistanit 2001 dhe Irakut 2003, Al Udeid u kthye në bazën më të rëndësishme amerikane në Lindjen e Mesme. Edhe sot baza ushtarake është tepër e vlefshme në luftën kundër ISIS dhe talibanëve, përcjell foldrejt.com.
Al Udeid nuk është vetëm jetik për mbijetesën e Katarit, por edhe mundësi për t’u mbarëvajtur KB 2022 dhe një bazë ushtarake amerikane që kryen presion mbi Iranin. Andaj SHBA kurrë nuk mendoi ta lëshojë atë bazë, përkundër dëshirës së aleatëve të tyre saudianë.
Në arenën ndërkombëtare Katari u bë i njohur përmes investimit të madh në sport, duke financuar Barcelonën, blerë PSG, si dhe organizuar stërvitje dhe gara të sporteve të ndryshme në Katar. Kjo e ka bërë Katarin të njohur botërisht dhe disa herë më me ndikim sesa shtetet fqinje si Kuvajti, Bahrejni ose Omani.
Por udhëheqja e Katarit duheshte të jepte llogari për këtë ‘politikë të pavarur’. Në qershor 2017 Bahrejni, Emiratet dhe Arabia Saudite vendosën një bllokadë totale ndaj Katarit. Thashethemet flasin se princi i kurorës Muhamed bin Salman ka kërkuar bile një intervenim ushtarak, por kjo është pamundësuar në minutën e fundit nga ish ministri i jashtëm amerikan Rex Tillerson.
Ndonjëri në Doha beson, se shteti katarian shpëtoi edhe falë vëmendjes ndërkombëtare mbi KB 2022./Foldrejt.com
