Singapori ka konfirmuar rastin e parë të variantit të ri të koronavirusit të gjetur në Mbretërinë e Bashkuar, ndërsa 11 të tjerët që ishin tashmë në karantinë kishin kthyer rezultate pozitive për llojin e ri.
Të gjitha rastet, të cilat ishin importuar nga Evropa, ishin vendosur në karantinë 14-ditore në ambiente të dedikuara pas mbërritjes, dhe kontaktet e tyre të ngushta ishin karantinuar poashtu.
“Aktualisht nuk ka asnjë provë që lloji B117 po qarkullon në komunitet,” tha Ministria e Shëndetësisë e Singaporit vonë të Mërkurën, duke iu referuar llojit të ri, potencialisht më infektues të Britanisë.
Pacientja me variantin e ri erdhi në Singapor nga Britania e Madhe në 6 dhjetor, dhe ishte testuar pozitive më 8 dhjetor. Të gjitha kontaktet e saj të ngushta ishin vendosur në karantinë, dhe kishin rezultuar negative në fund të karantinës së tyre.
Ministria e shëndetësisë tha se kishte qenë në gjendje ta rrethonte rastin në mënyrë që të mos kishte më transmetim.
Singapori ka bllokuar vizitorët që kishin udhëtuar nga Mbretëria e Bashkuar, për të parandaluar përhapjen e llojit të ri.