Sipas informacioneve që disponon magazina më e madhe e Europës “Der Spiegel” ushtria gjermane ndodhet përpara një skandali spiunazhi. Të martën është arrestuar një ushtar, i cili duhet të ketë dërguar informacione sekrete për regjimin iranian. Poashtu, ushtari akuzohet se ka bashkëpunuar edhe me shërbimin sekret iranian MOIS, përcjell foldrejt.com.
Në fakt ky ushtar gjerman është me origjinë afgane Abdul-Hamid S. (50), i cili ka pasur informacione të shumta të aktiviteteve të trupave gjermane në Afganistan dhe territoreve tjera me interes për trupat gjermane.
Prej kohësh perëndimi akuzon shumë diplomatë iranianë se krahas aktivitetit diplomatik po punojnë edhe për agjenturat sekrete.
