Tre përfaqësuesit të partive opozitare hungareze kanë shkruar të dielën një letër të hapur, ku strehimin e ish kryeministrit maqedonas Nikola Gruevski nga Hungaria e paraqesin një “turp” për Hungarinë, shkruan foldrejt.com.
“Është e prapanueshme, që ne të mësojmë nga mediat e huaja, që Hungaria ka strehuar një kriminel dhe i cili është i kërkuar nga Interpoli,” shkruajnë Bertalan Tóth, shefi i partisë sociale, Tímea Szabó, zv.shefi i “Dialogur për Hungari” dhe Ferenc Gyurcsány, drejtuesi i “Partisë së Koalicionit demokrati”.
Gruevski momentalisht duhej të qëndronte në burgun e Shutkës.
“Është e papranueshme, që diplomatët hungarezë janë detyruar të shoqërojnë gjatë udhëtimit një person të dënuar disa vjet me burg – dhe gjithë kohës janë mbajtur me gënjeshtra, derisa gjithçka është zbuluar,” shkruan më tej në letrën që e disponon foldrejt.com.
Opozita hungareze ka kërkuar që rasti i aferës së Gruevskit të shqyrtohet nga një komision i sigurisë kombëtarë dhe që do pyeste të gjithë të përfshirët në këtë mesele. Por është qeveria e Orbanit ajo që nuk e lejon një komision të tillë.
Në fund të tre përfaqësuesit partiakë thonë se distancohen nga qeveria e Orbanit për strehimin jo vetëm të një krimineli, por edhe një “miku të Rusisë”./Foldrejt.com
