Kryeministri britanik Rishi Sunak tha sot se Britania e Madhe po nis një nismë të re shkencore për të zhvilluar oriz rezistent ndaj përmbytjeve, grurë rezistent ndaj sëmundjeve dhe kultura të tjera më rezistente ndaj ndryshimeve klimatike.
Në Samitin Global të Sigurisë Ushqimore në Londër, Sunak u bëri thirrje liderëve botërorë që të përdorin inteligjencën artificiale dhe teknologji të tjera të fundit për t’i dhënë fund kequshqyerjes në mbarë botën, raportoi AP.
Sunak saktësoi se Britania do të krijojë një “qendër shkencore virtuale”, e cila do të lidhë studiuesit ndërkombëtarë që punojnë në zhvillimin e kulturave më rezistente./FolDrejt/
