Qeveria e Shqipërisë ka dhuruar një fond prej 250 mijë eurosh për Kroacinë e cila dje u godit nga një tërmet shumë i fuqishëm që shkaktoi të paktën shtatë viktima dhe dhjetëra të lënduar.
Lajmi u dha nga kryeministri Edi Rama, përmes një postimi në rrjetet sociale, ku shfaqi dhe vendimin e qeverisë.
“Sapo u nënshkrua vendimi i Qeverisë së Shqipërisë për t’i dhuruar Kroacisë 250 mijë euro në ndihmë të rindërtimit të Petrinjas pas tërmetit shkatërrues. Kroacia është një shembull për qëndrueshmërinë dhe një model për ne në transformimin e saj të mahnitshëm në një vend krenar të BE-së”.- shkroi Rama.