Presidenti i Kosoves Hashim Thaçi ka komentuar letrën e presidentit amerikan Donald Trump. Ai këto komente i ka kryer pas takimit me gjashtë liderët e Ballkanit Perëndimor në Bruksel.
“Sa i përket çështjes së mundësisë për arritjen marrëveshjes finale, gjithpërfshirëse dhe me njohje reciproke është inkurajues fakti që gjithë liderët e rajonit, pa dallim, mbështesin përpjekjet të Kosovës dhe të Serbisë duke konkluduar që arritja e marrëveshjes së tillë të prodhojë paqe dhe stabilitet në rajon. Nëse ka pasur hezitime para pak muajsh, sot të gjithë janë unik për rëndësinë e dialogut dhe arritjes së marrëveshjes finale”.
Thaçi theksoi se letra e presidentit amerikan Donald Trump lidhur me arritjen e marrëveshjes Kosove-Serbi, është mesazhi i SHBA-ve dhe se shfaqë mbështetjen e plotë dhe unike për Kosovën dhe rajonin.
“Nëse dikush ka pasur hezitime deri tani për rolin e SHBA-ve kjo dëshmon qartë me fakte se SHBA-të janë të involvuar në proces të mbështetjes së plotë për mundësinë e arritjes së marrëveshjes Kosovë-Serbi. Liderëve të Kosovës u mbetet të punojnë me përgjegjësinë më të larte shtetërore dhe kombëtare për arritjen e një marrëveshje të pranueshme dhe të implementueshme. Sa i përket opinioneve lidhur me letrën e Trump, nuk besoj që ka lider në Kosovë që i thotë jo asaj letre”.
Letra tregon se marrëveshja mes Serbisë dhe Kosovës mund të përmbyllet në shkurt ose mars të vitit të ardhshëm. Por ajo që shqetëson të gjithë është nëse marrëveshja përfundimtare është ndarje ose shkëmbim territoresh?/Foldrejt.com
