Policia kriminale e Baden-Württemberg dhe inspektoriati i qarkullimit rrugor kanë arritur të gjejnë njërën ndër sasinë më të madhe të drogës gjetur ndonjëherë. Bëhet fjalë për ngjarjen në 14 nëntor, ku 30 vjeçari u ndalua për kontroll me veturën e tij A3, shkruan media gjermane swp.de.
30 vjeçari ishte duke vozitur për në Aalen, ndërsa ishte në fokus të policisë gjermane për bashkëpunime me dilerët e drogës në Gjermani. Në shtator ishin kapur tre shokë të tij. Gjatë kontrollit të veturës ju sekuestruan 12.9 kilogram kokainë me vlerë 1.1 milion euro, përcjell foldrejt.com.
Shqiptari jetonte në rrethinën e Ludwigshafen me identitet të rremë italian. Ai tashmë është dërguar përpara organeve të drejtësisë.
