Fitim Dika
“Global Firepower Index” ka analizuar ushtritë nëpër botë varësisht kritereve të fuqisë, armatimeve dhe shpenzimeve ushtarake. Rangimi është kryer me 126 shtete dhe ka rezultate të befasishme. Gjermania ndodhet në vendin e nëntë – bile nuk është as në armatat më të fuqishme europiane, informon foldrejt.com.
Vendi gjerman ka vetëm 180.000 ushtarë aktivë, por janë para me armatimet ajrore – për këtë tani qeveria gjermane po mendon ta bëjë të obligueshme ushtrinë. Në vendin e pestë ndodhet Franca që disponon 1282 aeroplanë dhe 118 anije, pavarësisht se ka dy bregdete. Vend tjetër europian në Top 10 është Britania e Madhe e vendosur në vendin e gjashtë.
India është në vendin e katërt, kjo kryesisht nga ushtarët e shumtë të saj – 1.3 milion ushtarë aktivë, si dhe 6464 tanke, 2086 aeroplanë dhe një buxhet për mbrojtje prej 40 miliardë dollarësh.
Top-10
Për caktimin e listës së dhjetë ushtrive më të fuqishme në botë janë marrë 40 faktorë, ndërsa rënditja ushtrive më të fuqishme është si vijon: SHBA, Rusia, Kina, India, Franca, Britania e Madhe, Japonia, Turqia, Gjermania dhe Italia.
Korea e Veriut ka vendin e shtatë për tanke dhe vendin e nëntë për aeroplanë, duke e bërë ndër ushtritë më të fuqishme gjithashtu. Arabia Saudite është vendi i tretë për shpenzime ushtarake, pas SHBA dhe Kinës. Rusia shquhet për numrin më të madh të tankeve.
Ndërsa dhjetë shtetet me ushtrinë më të pafuqishme janë: Nga vendi 117 deri të 126: Madakaskari, Gaboni, Kongo, Bosnja, Laosi, El Salvador, Panama, Namibia, Somalia, Republika e Afrikës qendrore. Vende kryesisht të ndara për shkak të konflikteve ndëretnike dhe fetare./Foldrejt.com
