Tashmë është e ditur se lëngjet e pamjaftueshme, stresi ose shikimi i tepërt në ekran mund të çojnë në dhimbje të kokës.
Por, ka edhe gabime të tjera që ne bëjmë çdo ditë që e shkaktojnë këtë problem shëndetësor pa e ditur as vetë. Dhimbja e kokës është një sëmundje e bezdisshme, por mjaft e zakonshme që mund të ndodhë për një sërë arsyesh, përcjell Fol Drejt.
Kur ndjejmë dhimbje koke, fillimisht mund të mendojmë se nuk kemi pirë mjaftueshëm lëngje ose se kemi kaluar shumë kohë para ekraneve. Në fakt, dhimbja e kokës mund të ndodhë edhe për arsye të tjera.
Tri shkaqet e mëposhtme janë gjithashtu mjaft të zakonshme:
Qëndrimi jo i duhur mund të shkaktojë probleme të ndryshme, duke përfshirë dhimbje koke, sepse krijon një presion të madh në qafë, gjë që mund të çojë në dhimbje koke.
Nëse kalojmë shumë kohë ulur gjatë ditës pa pushime adekuate, presioni në qafë përkeqësohet, gjë që mund të jetë sërish shkak për dhimbje koke.
Nëse keni një punë që ju kërkon të qëndroni ulur shumicën e kohës, është e rëndësishme të ngriheni dhe të shtriheni pak të paktën një herë në orë.
Është e dëshirueshme të flemë tetë orë në ditë, që është një e treta e ditës, ndaj nuk është për t’u habitur që gjumi ndikon edhe në shëndetin tonë.
Nëse nuk kemi jastëkun e duhur për të mbështetur qafën, ndër të tjera mund të shkaktojë dhimbje koke.
Nëse keni dhimbje koke të shpeshta, mendoni për stilin e jetës tuaj dhe si mund ta ndryshoni atë.
Nëse, pas korrigjimeve të sjelljes, përsëri shfaqen dhimbje koke, preferohet të konsultoheni me mjekun./FolDrejt/
