Gjeografia europiane nuk është edhe aq e lehtë: ka Slloveni dhe Sllovaki, ka një vend Maqedoni që kufizohet me rajonin grek të ‘Makedonie’ dhe ka Ballkan dhe Baltikët – dhe (ishujt) Baleare. Por kur një kryetar shteti përmend shtetet baltike Estoninë, Letoninë dhe Lituaninë duhet ta dijë se ku ndodhen ata konkretisht.
Kështu nuk ka ndodhur me presidentin amerikan Donald Trump: në 3 prill 2018 ai mbajti Samitin e vendeve të Baltikut ku u takua me presidentët e Estonisë, Lituanisë dhe Letonisë: Kersti Kaljulaid, Dalia Grybauskaite dhe Raimonds Vejonis gjegjësisht.
Bisedën me tre kolegët Trumpi e ka nisur atëherë, duke i bërë përgjegjëse të tre shtetet për luftërat në Jugosllavi në vitet 90-të, shkruan media franceze “Le Monde”, përcjell ekskluzivisht foldrejt.com.
Te presidentët e baltikut solli një huti – derisa ata kuptuan se Trump kishte ngatërruar Baltikun dhe Ballkanin.
Kjo ishte vërtetë për t’u habitur, pasi bashkëshortja e Trump vjen nga Sllovenia, një nga gjashtë republikat e ish Jugosllavisë.
Sipas prestigjiozes franceze “Le Monde”, ky nuk ka qenë gafa e vetme e presidentit amerikan. Ai akuzoi të tre shtetet se nuk po shpenzojnë sa duhet për mbrojtjen dhe ushtrinë – si tre anëtare të NATO. Por Estonia në vitin 2017 arriti kushtin e NATO për ushtrinë duke shpenzuar 2 përqind nga Prodhimi i Brendshëm Bruto.
