Presidenti turk kërkon të risë prodhimet ushtarake turke sidomos helikopterët luftarakë, tanket dhe anijet luftarake. Këto të treja tashmë i prodhon vetë, megjithatë vendi turk planifikon një sistem armësh, që e zotërojnë vetëm dy Superfuqi, shkruan media gjermane “Die Welt”.
Ideja e presidentit Rexhep Taip Erdogan ishte e qartë: “përderisa ne vetëm konsumojmë teknologjinë, nuk do jemi tërësisht të lirë”. Për këtë Turqia ka ngritur ekip shkencëtarësh për të prodhuar vetë armatimet luftarake. Vitin e kaluar eksportet e armëve turke arritën dy miliardë euro, duke kaluar Izraelin, ndërsa së shpejti ka për qëllim të konkurrojë edhe me SHBA-në, Rusinë dhe Kinën, përcjell foldrejt.com.
Turqia me ndihmën e ekspertëve gjermanë HDW ka ndërtuar edhe gjashtë nëndetëse moderne. “Këto janë nëndetëset e fundit që i krijojmë sëbashku me një shtet tjetër,” tha presidenti Erdogan, duke dashura ta pavarësojë tërësisht ushtrinë nga ndikimet e huaja.
Deri në vitin 2029 edhe armata ajrore turke do ketë aeroplanin e vetë, e cila, do emërtohet TF-X. Vitin e kaluar u nënshkruajt një bashkëpunim me Britaninë e Madhe, ku prototipi duhet të përfundojë në 2023, ndërsa prodhimi masiv të nisë në 2029. Deri atëherë Turqia ka nevojë për amerikanen F-35, për zhvillimin e të cilës Turqia participoi me 175 milion dollarë.
Por cila është arma që Turqia duhet ta ketë e treta pas Kinës dhe SHBA?
Këtë e zbuloi vetë presidenti Erdogan në 1 nëntor. Bëhet fjalë për armët elektromagnetike, të njohura edhe si hekurudha (shih foton e profilit)./Foldrejt.com
