Ukraina eksportoi më shumë se 50 milionë ton drithë, kultura vajore dhe produkte të përpunimit të tyre në vitin 2022, tha zëvendësministri i parë i politikës Agrare dhe Ushqimit Taras Vysotskyi, raporton Ukrinform, përcjell Fol Drejt.
Ai vuri në dukje se një shifër e tillë e eksportit është një rezultat i mirë, duke marrë parasysh faktin se lufta në Ukrainë zgjati pothuajse gjatë gjithë vitit.
Sipas Vysotskyi, viti 2022 ishte një nga më të mirët në vitet e fundit për sa i përket treguesve të eksportit.
“Ukraina mbetet një nga lojtarët kryesorë në tregun ndërkombëtar bujqësor dhe gjendja e prodhimit dhe perspektivat për eksportet e produkteve bujqësore nga Ukraina ndikojnë padyshim në çmimet ndërkombëtare. Aktualisht, ato mbeten të larta, përfshirë edhe për shkak të vazhdimit të luftës, kështu që perspektivat për reduktimin e tyre nuk janë ende të dukshme”, tha zv.ministri.
Sipas mendimit të tij, nëse Ukraina nuk është në gjendje të kthejë plotësisht sipërfaqet e saj të kultivuara dhe të rrisë vëllimet e prodhimit, situata në politikën e çmimeve në botë nuk do të ndryshojë për mirë.
Siç raportohet, sipas Ministrisë së Politikës Agrare, Ukraina eksportoi pothuajse 39 milionë ton drithë, kultura vajore dhe produkte të përpunimit të tyre nga 24 shkurti deri më 31 dhjetor 2022. /FolDrejt/
