Donny van de Beek është përjashtuar nga skuadra e Manchester United në Ligën e Kampionëve, shkruan Sky Sports, transmeton Fol Drejt.
Mesfushori ka luftuar për kohën e lojës nën drejtimin e Erik ten Hag – i cili e ka trajnuar atë në Ajax – dhe u lidh me largime nga Old Trafford gjatë verës, por mbetet në United pas përfundimit të afatit kalimtar.
Andre Onana, Altay Bayindir, Jonny Evans, Sergio Reguilon, Sofyan Amrabat, Mason Mount dhe Rasmus Hojlund janë përfshirë të gjithë pasi iu bashkuan klubit për sezonin 2023/24.
Alejandro Garnacho nuk është përfshirë në skuadrën e 25 lojtarëve, por United ka konfirmuar se ai do të regjistrohet në ‘listën B’ në një datë të mëvonshme, që do të thotë se do të ketë të drejtë të luajë.
United është në Grupin A të Champions League me Bayern Munich, Kopenhagen dhe Galatasaray.
