Në Meksikë vazhdojnë incidentet e dhunës për shkak të arrestimit të Ovidio Guzman Lopez-it, një prej djemve të liderit të drogës Joaquin Guzman, i njohur me nofkën El-Chapo.
Duke reaguar ndaj arrestimit të Guzman-it, anëtarët e kartelit Sinaloa u përleshën me policinë në pjesë të ndryshme të qytetit, shkruan AA, transmeton Fol Drejt.
Nga incidentet humbën jetën dy persona dhe u plagosën 18 të tjerë, shtatë prej tyre policë.
Më shumë se 100 fluturime thuhet se u anuluan pasi u përhap dhuna.
Agjencia Federale e Aviacionit Civil (AFAC) njoftoi se hyrja dhe dalja nga aeroporti në Sinaloa u ndalua për shkak të rritjes së dhunës në vend.
Nga ana tjetër, dy plumba të armëve të anëtarëve të kartelit që u përplasën me forcat e armatosura pranë aeroportit ndërkombëtar në Culiacan kanë goditur një avion komercial.
Në pamjet e publikuara në rrjetet sociale, shihet se si pasagjerët në avion përjetuan frikë të madhe.
– Arrestimi e Guzman-it
Guzman, një nga trafikantët më të kërkuar të drogës nga SHBA, është kapur në një operacion në qytetin Culiacan.
Anëtarët e kartelit Sinaloa, të cilët bllokuan me barrikada rrugët kryesore dhe u vunë flakën automjeteve, shkaktuan mbylljen e shkollave.
– Kush është Guzman?
Guzman, 28 vjeç, një nga drejtuesit e shquar të kartelit të drogës Sinaloa, shkaktoi një sërë valësh dhune më 17 janar 2019, kur u kap për herë të fundit.
Pas arrestimit të Guzman-it, një prej djemve të kreut të kartelit të drogës El-Chapo, i dënuar me burgim të përjetshëm në SHBA, shumë ushtarë u plagosën dhe 51 të burgosur u arratisën nga burgu. Guzman u la i lirë si pasojë e dhunës ku u dogjën dhjetëra automjete dhe biznese.
– El-Chapo u ekstradua në SHBA
Joaquin Guzman, me nofkën El-Chapo, u dënua me burgim të përjetshëm në korrik në shtetin e New York-ut, SHBA. Joaquin Guzman, i cili u arratis nga dy burgje të sigurisë së lartë në Meksikë në vitin 2001 dhe 2015, u kap për herë të fundit në janar 2016 dhe u ekstradua në SHBA./FolDrejt/
