Interesi i bankës
Disa dijetarë kanë sugjëruar që ndalimi Kur’anor nuk përfshin interesin e bankës, të cilat bankat e tanishme ua paguajnë depozituesve të tyre ose e kërkojnë nga huamarrësit e tyre.
Nuk ka asnjë faktor bazë për të bërë dallimin në mes ribasë që theksohet në Kur’an dhe interesit të tashëm bankar. Do të dal në pah se faktori që i sjell ato kokë më kokë në një ndarje të njejtë është koha e llogaritur në këmbim të ritjes ose interesit të ribasë. I vetmi dallim është se në rastin e parë, pra të ribaja, shuma bazë dyfishohet dhe shumëfishohet sipas marveshjes, kurse në interesin bankar interesi është disi më e vogël por përsëri sipas marveshjes dhe në ndikim permanent të inflacionit; pra dallimi është në masën e tepricës.
Alternativa – Partneriteti i fjetur
Duke u bazuar në principin islam “ska fitim pa rrezik”, në rastin e partnerit të fjetur në një sipërmarje biznesi, ku ai e ndan fitimin pa bërë asnjë punë në lidhje me arritjen e këtij fitimi, në këtë rast partneri i fjetur merr pjesë në rrezik. Nëse fiton, mirë , por ama nëse bisnesi dështon, ai merr përsipër hisen e humbjes së parave të tij.
Në rast të aplikueshmërisë së kësaj metode huadhënësit e parave nuk do të rrezikoheshin nga humbja e parave të tyre, për shkak se shteti do tua konpenzonte kur huamarësi nuk do të ishte në gjendje të paguante borxhin si rezultat i një fatkeqësie përtej kontrollit të tij. Për të qenë aplikativ partneriteti shteti duhet të ndermarë këto politika ekonomike dhe fiskale:
- Të gjitha prodhimet në shtet duhet të jenë në pajtim me një plan strikt dhe të definuar mirë nga qeveria. Duhet të themelohet një organizatë e madhe financiare (si në Britani, SHBA dhe Pakistan), për ofrimin e kapitalit të domosdoshëm për projekte të rëndësishme industriale. Publiku duhet të kontribojë përmes ofrimit të garancive me vlera formale, e nëse garancitë e publikut janë të pamjaftueshme, qeveria atëherë duhet të siguroj huanë.
- Organizatat e tilla do të kujdesen kryesisht për projekte të mëdha, kurse ndihma për projektet e vogla industriale do të jenë përmes sistemit kooperativ. Duhet të krijohen shoqëri bashkpunuese dhe banka bashkpunuese, të furnizuara me fonde pa asnjë interes nga ana e qeverisë dhe të japin kredi për sipërmarjet që ia vlen (një system i ngjajshëm u fut në New South Wales të Australisë para disa viteve për tu dhënë hua pa interes sipërmarjeve të vogla industriale dhe bujqësore. Suksesi i këtij sistemi në New South Wales ka treguar se ajo mund të funksionoj me efikasitet në të gjitha shtetet industriale dhe bujqësore.
- Ekonomistët e kohëve moderne në tërësi janë në favor të ndërhyrjes nga ana e shtetit për regullimin e një shpërndarje të drejtë të gjërave të domosdoshme sepse në këtë mënyrë nuk u lihet vend veprimeve të monopolistëve dhe spekulatorëve të paskrupullt.
- Të krijohen rrjete të mëdha të shoqërive bashkpunuese me aktivitete të shumanshme të quajtura ndryshe “shoqëri kooperative të shumëqëllimëshe”. Këto shoqëri prodhojnë shumicën e prodhimeve, të cilat ata i shesin drejtpërsëdrejtë tek publiku me çmime më të ulëta. Shoqëritë kooperative të shumëqëllimëshe aktualisht janë duke lulëzuar në shumë pjesë të botës. Lëvizja liberale e Egjiptit, në mesin e shumë qëllimeve të saj, qëllim kryesor ka forcimin e lëvizjes kooperative.
- Duhet të jetë e mundshme për shtetin ti ofrojë individit kredi pa interes për të plotsuar rastet përjashtuese të vështirsive personale ose fatkeqësive.
Marrë në konsideratë kriteret e lartëshënuara konstatojnë se sot në botë nuk ka asnjë bankë me plotë kuptimin e fjalës “islame”. Po pse shohim dhe ndigjojmë vazhdimisht për banka të tilla me sufiksin islam? Çka janë ata në realitet; si veprojnë dhe a dallojnë nga bankat tjera konvencianale? Kjo ngelet që ta zbërthejnë ekspertët të fushës përkatëse!
