Aktorja Kaltrinë Zeneli është shfaqur në një emision televiziv me një veshje pak më ndryshe. Zeneli është parë e veshur me mbulesë, për çfarë i ka befasuar këndshëm të afërmit, kolegët dhe publikun e gjerë, shkruan Fol Drejt.
“Unë qe tri vite fali namaz , edhe nuk e ka ditë askush, në fakt e kanë ditë vetëm rrethi i ngushtë edhe kushdo që më ka pa duke u falë. E kam mbajte gjithmonë për vete. Kur kam fillu me u fal kam thënë ndoshta najherë mbulohem po jo diçka të caktuar me thënë që qitash ose ndonjë periudhë të caktuar se kur me u mbulu” – ka rrëfyer ajo në një intervistë të dhënë për t7.
Më tutje Zeneli ka thënë se vendimin e kishte marr sa ishte në një ekspeditë artistike në Turqi:
“Ishim në Turqi është hera e parë që po flas për këtë pjesë. Ishim në Turqi për shfaqje. Edhe iu thash të hanën du me u mbulu veç me ditë se si është si ndjenjë se gjithmonë më kanë pëlqyer gratë me mbulesë”.
Për më shumë, ajo ka treguar se është shumë e vendosur dhe e gatshme të sakrifikojë nëse diskriminohet për shkak të mbulesës, sepse “asnjëherë më mirë nuk jam ndi.”
Ajo ka thënë se nuk do ta largojë mbulesën, pavarësisht konsekuencave që ajo do t’ia sjell, meqë e ka gjetur “qetësinë shpirtërore”./FolDrejt/
